Folklora, lītiškuo muoksla i amatnīceiba Latgolā nūzeimej gon viesturisku montuojumu, gon tradiceju, gon kasdīnys izpausmi, gon izdzeivuošonys veidu – par vysu itū raidejumā. Latgolys Muokslys i amatnīceibys centrā Leivuonā atrostuos kulturviesturiskuos līceibys tiks maklātys myusu dīnu Latgolā. Raidejuma vadeituojs Valentins Lukaševičs apbreinuos TLM „Dubna” audieju rūkdorbus, īpazeis gaļdnīka Zenona Baloža lelūs i mozūs darynuojumus, izvaicuos „Latgaļu sātys” saimineicys Mariku Zeimuli i Astridu Vucinu, kas jūprūjom kasdīnā īvāroj senču tradicejis. Par folklorys sadaļu raidejumā pasaryupēs Tihovsku saimis skaneigī bolsi.

Ziņu sagataveja: LaKuGa piec LTV1 materialim