Ludzā nūtiks koncerts „Saimē ir spāks”
![Ludzā nūtiks koncerts „Saimē ir spāks”](https://www.lakuga.lv/wp-content/uploads/2013/07/Ludza-pilsatys-gierbuns-1000x667-c-default.jpg)
Itymā nedeļā Latvejis seņuokuo piļsāta Ludza svietej 836. godadīnu. Svātku svieteišona īsasuoce jau 31. julī ar jaunīšu futbola turniru i nūsaslēgs 4. augustā ar koncertu „Ukraiņu tautasdziesma Ludzai”. Ar vysu svātku programmu var īsapazeit ite.
Itūgod svātku moto ir latgalīšu volūdā – „Saimē ir spāks”, par tū ir eipaša prīca. Ar itaidu pat nūsaukumu 3. augustā 20 stuņdēs Ludzys piļsātys estradē nūtiks Dzīdūšūs saimu koncerts, kas ļaus izjust dzymtys vareneibu i gora spāku. Koncertā pīsadaleis Laicānu, Raģeļu-Zepu i Tihovsku saimis. Koncertu vadeis Dailis teatra aktirs Gundars Silakaktiņš.
Ziņu sagataveja: LaKuGa piec pasuokuma organizatoru informacejis