9. augustā Raiņa muzejā „Jasmuiža” rekonstruātajā Andreja Paulāna darbneicā-ceplī TLMS „Rēzeknes apriņķa podnieki” ar sovim apdadzynuošonai sagataveitajim muola traukim pīpiļdeis cepli i ap pušdīņlaiku tū īkurynuos. Golvonī atbiļdeigī par pūdu apdadzynuošonu byus keramiki nu Daugavpiļs – Vladislavs i Edvīns Vinceviči. Vokora gaitā byus īspieja apsarunuot ar pūdnīkim, kai ari vāruot cepļa kurynuošonys procesu i ap pusnakti – lelū līsmi. Par keramiķu dorba rezultatim varēs puorsalīcynuot 10. augustā, kod 11 stuņdēs nūtiks vēļ korstūs kruošni glazeitūs trauku izjimšona. Byus īspieja dorbus ari nūpierkt.

Cepļa attaiseišonys pasuokumu vadeis Andris Ušpeļs. Pasuokuma laikā nūtiks viktorina par Latgolys keramiku i muzeju, kai ari byus īspieja pīsadaleit svīsta kuļšonā i svaiga svīsta degustacejā.

Īejis moksa cepļa attaiseišonys pasuokumā – Ls 1,00 (muzeja īejis belets)

Karteņa: LaKuGys arhivs
Ziņu sagataveja: LaKuGa piec pasuokuma organizatoru informacejis