Ar veliku pa Aglyunu

Ar veliku pa Aglyunu

ar veliku2013 afisa

Ituo goda 17. augustā Aglyunys pogosta īdzeivuotuoju iniciativu grupa “Velomīļi” aicynoj gostūs iz Aglyunu velobrauciejus. Velodīnys suokumā 13:30 puļciešonuos Aglyunys estradē. Pasuokumā “Ar veliku pa Aglyunu” sevkurs varēs pīsadaleit veloparuodē pa Aglyunys ūļneicom, maratonā – tautys trasis distance (15 km), sporta trase (velobrauciejim ar pīredzi – 30 km), škieršļu jūslys puorvariešonā, kai ari triatlona (peļdiešona, skrīšona, velotrials) stafetē. Velomaratonā byus juosaorieņtej piec kartis. Trase byus gon pa asfaltātu, gon graņts ceļu, meža celenim i takom. Saceņseibys nūtiks individuali i komanduos.

Dalinīku dasasaceišona leidz 15. augustam 15:00 elektroniski ci telefoniski: edgarsurbanovics@inbox.lv ; mob.:28367522 ci inguna.barkevica@aglona.lv; mob.29285185.

Velodīnys izskaņā tiks sumynuoti uzvarātuoji, mozi i leli veiksmeiguokī velopedaļu minieji. Aglyunys nūvoda jaunīši prīcynuos tyvejus i tuoleimus gostus koncertuzvadumā “Dzīve kā teātris”. Bet zaļumbalā sevkurs varēs izaprīcuot leidz pat reita gaismai.

 Velodīnys nūlykumu verīs ite.

Velodīnys programa

13.30–14.30   Dalinīku registraceja Aglyunys estradē

14.30–14.40     Velodīnys atkluošona

14.40–15.00     Veloparuode pa Aglyunys ūļneicom

15.00                Maratons (~ 15 km i ~30 km ) (suokums pi sporta hallis)

16.30                Škieršļu jūsla bārnim (Aglyunys vydsškolys sporta laukums)

17.30                Triatlons (atraktivuos atpyutys centra pludmale pi Cireišu azara)

19.30                Apbolvuošona, pasuokuma nūslāgums – koncertuzvadums „Dzīve kā teātris”, bals Aglyunys estradē

Ziņu sagataveja: LaKuGa piec pasuokuma organizatoru informacejis

Print Friendly, PDF & Email

Nūtikšonu kalendars

Sep
29
Pīk
16:00 Rotko muzeja kruojuma izstuodis ... @ Daugovpiļs Marka Rotko muokslys centrs
Rotko muzeja kruojuma izstuodis ... @ Daugovpiļs Marka Rotko muokslys centrs
Sep 29 @ 16:00 – 17:00
Pīktdiņ, 29. septembrī, 16.00 stuņdēs Daugovpiļs Marka Rotko muokslys centrā, iz prīšku – Rotko muzejā, sūpluok muokslinīka Marka Rotko originalu ekspozicejai tiks atkluota kruojuma izstuode “Nr. 2 [Bez nosaukuma]”. Kruojuma izstuodei izvālāti muokslys dorbi, kas[...]
19:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 29 @ 19:00 – 21:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]