Preiļu Golvonuos bibliotekys 2.  stuovā leidz 7. septembram apsaverama muokslinīka Nikolaja Kovaļova gleznu izstuode „Zaļā Latgale”. Bibliotekā izstuodeitys 35 gleznys, kurys topušs, apceļojūt dažaidys Latgolys vītys. Gleznys īspiejams ari nūpierkt.

Muokslinīks dzims 1937. goda 1. majā Sanktpīterburgā. Vuicejīs Muokslys vydsškolā, studiejs Leningradys Repina Muokslys institutā. Struoduojs Murmanskys Pedagogiskajā universitātē. Ir nūpalnim boguots Krīvejis muokslinīks i Krīvejis Rakstnīku i muokslinīku savīneibys bīdrs. Nikolajs Kovaļovs sajiems ari Krīvejis Muokslys akademejis sudobra medali. Juo gleznys globojās gon Krīvejis muokslys muzejūs, gon privatkolekcejuos uorpus Krīvejis – Latvejā, Sūmejā, Zvīdrejā, ASV i cytur.

Muokslinīkam Latgola ir tyva, sovā gruomotā „Mīlesteibys turpynuojums” („В продолжение любви”) autors vasalu nūdaļu veļtejs Latgolai. Pārņ jis nūorganizēja Latgolys fotomuokslinīku izstuodi Murmanskā. Pīsadalejs Preiļu nūvoda krīvu autoru dzejis pasuokumūs.

Karteņa:Preiļu GB
Ziņu sagataveja: LaKuGa piec PGB informacejis