Latgalīšu muzykanti i literati byus „Juosmuižā”

Latgalīšu muzykanti i literati byus „Juosmuižā”

Bīdreiba „Latgolys Studentu centrs” i Raiņa muzejs „Juosmuiža” aicynoj bārnus, jaunīšus, rodūšus cylvākus i vysus interesentus iz literari muzykalū pasuokumu „Latgalīts Latgalīšam Draugs” aba LaLaDra Raiņa muzejā „Juosmauiža” ituo gods 24.augustā (12.00 tolka, 15.30 muzyka i teksti).

LaLaDra_Juosmuiza

Augusta beigys ir Raiņa dzimšonys dīnys laiks, tīpoš jau rudiņs ar dzejis dīnom, studejom i dorbim, deļtuo LgSC aicynoj izīt uorpus telpom, byut tyvuok dobai, vosorai, muzykai, literaturai i satikt vīnam ūtru. Pasuokums ir salykts nu diveju daļu, pyrmuo daļa ir tolka – vacuo sātmaļa nūjaukšona i dobys sakūpšona, ūtruo daļa ir izīšona tyvuok pasauļam ar sovu muzyku i tekstim, kurus izpiļdeis zynomuoki i mozuok zynomi latgalīšu muzykys i tekstu autori.

LgSC pasuokumus „La-La-Dra” taisa jau vairuokus godus dažaiduos Latvejis vītuos. Pārņ Juosmuižā ar sovu muzyku dalejuos L.Kalvāne, G.Rasims, J.Vucāns, ar tekstim – Z.Lāce, V.Lukaševičs, Raibīs Suņs i c. Bīdreiba aicynoj vysus interesentus pīsadaleit tolkā i literari muzykalajā pasuokumā!

Vaira dazynuošonys: Baiba Raginska, e-posts: daugovpils@lgsc.lv, mob.t.: 224 116 90; Solvita Brūvere, mob.t. 29487589, e-posts: jasmuiza@memorialiemuzeji.lv.

Ziņu sagataveja: LgSC

Kalenders

Feb
19
Tre
11:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Feb 19 @ 11:00 – 12:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]