Reizi mienesī žurnalā „Ir” teik publicāta latgalīšu sleja, kas viestej par aktualim nūtykumim i vaicuojumim. Itymā reizē sleju ir pīrakstejs latgalīšu kulturys darbinīks Arņs Slobožaņins, kas pazeistams kai grupys “Dabasu Durovys” dalinīks.

Īskotam citats nu slejis: „Puormet krystu i klusej! Taidim vuordim varātu raksturuot paguojušuo godu symta suokumā, 1917.goda Rēzeknis kongresa prīkšvokorā, voldūšū goreidznīceibys attīksmi pret ceņtīnim Latgolā radeit stypru regionalū politiskū spāku, kas ryupātūs par Latgolys ļaužu tīseibom vysūs leimiņūs” . Skaiti sleju žurnala “Ir” drukuotajā versejā ci škārsteiklā ite. Roksta pylnū verseju varēs skaiteit LaKuGā 26. augustā.

Ziņu sagataveja: LaKuGa, izmontojūt “Ir” informaceju