Nu 19. leidz 25. augustam Sibirī nūtiks 6. storptautyskuo latgalistikys konfereņce, kas itūgod veļteita latgalīšu školu suokumam Sibirī.

Krīvejis Krasnojarskys nūvoda Ačinskā, Lelajā Ulujā i Bičkūs nūteikušajā konfereņcē zynuotnīki nu Latvejis, Krīvejis i ASV diskutēs par tū, kas nūteik ar volūdu puorsymts godu laikā, kod tei ir atrauta nu sovys zemis, i kai izceļuotuoju nu Latgolys kultura ītekmiejuse vītejū sadzeivi i tradicejis. Konfereņcis dalinīki na tikai apsamaineis ar pietejumu rezultatim, bet ari dūsīs Sibira plošumūs apmeklēt kuodreizejūs latgalīšu cīmus, i izzynuot materialus, kas globojās vītejūs arhivūs. Konfereņcis dalinīki tiksīs ari ar sovulaik izceļojušūs latvīšu piectečim.

Par konfereņcis byutiskuokajim momentim i Sibira latvīšu dzeivi myusu dīnuos telefonreportažuos i īrokstūs Latvejis Radejai 1 stuosteis žurnaliste Anda Buševica.

Pyrmūdiņ, 19. augustā pyrmuos telefonreportažys byus „Labrīt” ziņuos i programmā „Pēcpusdiena”.

Trešdiņ, 21. augustā „Kultūras rondo” tiks runuots par konfereņci i atziņom piec īsapazeišonys ar Ačinskys arhiva materialim par puorceļuotuojim nu Latvejis.

Catūrtdiņ, 22. augustā „Pēcpusdienā” byus īspaidi par ceļojumu pa latvīšu cīmim Sibirī.

Sastdiņ, 24. augustā konfereņcis īspaidi i kūpsavylkums byus „Kultūras rondo” i dīnys nūtykumu apskotā.

Septembra suokumā ari raidejumūs „Augstāk par zemi” i „Kolnasāta” varēs klauseitīs īrokstus.

Ziņu sagataveja: LaKuGa piec Latvejis Radejis informacejis