Kaidu laiku nikas nav dzierdāts par latgalīšu „smoguos” muzykys grupu „Green Novice”. Grupa nikur nav pazuduse i itymā nedeļgolā jūs varēs dzierdēt Lītovas festivalā „Menuo Juodaragis”. Itūšaļt grupa struodoj ari pi albuma īraksteišonys, kuru planavuots izdūt jau rudinī.

Nu 23. leidz 25. augustam Lītovā, Zarasu pussolā nūtiks 16. naatkareigais postfolka i aļternativuos muzykys festivals „Menuo Juodaragis”. Ituo gods festivala tematika ir veļteita Latvejai. Tymā pīsadaleis grupys nu Latvejis, Lītovys, ASV, Ukrainys, Krīvejis i cytom vaļstim.

Bez muzikim festivalā dorbuosīs ari omotnīki, byus muokslys dorbneicys, kinu i lekceju telts.

„Green Novice” iz skotuvis kuops sastdinis vokorpusē apmāram plkst. 18.45.

Vaira par festivalu verīs ite: http://www.mjr.lt/

Karteņa: facebook.com/MJRfest
Ziņu sagataveja: LaKuGa