Itūnedeļ Rēzeknis nūvoda Čornajis pogostā teik svieteiti Ratnīku cīma svātki. Kotrai dīna paradzātys sovu aktivitatis, i svātku nūslāguma dīna pīktdīne ir veļteita teatrim.

Ratnīku tautys nomā 18 stuņdēs nūtiks teatra vokors, kurā pīsadaleis Rogovkys amatirteatris ar M.Misčenko izruodi „Kas ūtram navielej, tam pošam nateik”, Gaigalovys amatirteatris „Bikovīši” ar izruodi „Sīvysmotes lobō sirds” (rež. .Ē.Bazoviča), Griškānu kulturys noma deju grupys „Eridan” i Rēzeknis pensionaru dīnys centra dramatiskuo kolektiva „Kur gan citur” kūpeigais projekts – muzykala izruode krīvu volūdā „Kā Ivans Carevičs precēties taisījās” (rež. I.Daugule, autore – I.Seļģicka).

Piec teatra izruodem vysi gosti i pogosta īdzeivuotuoji varēs baudeit sautiejumu uorā pi tautys noma.

Ziņu sagataveja: LaKuGa piec pasuokuma organizatoru informacejis