Rēzeknē skanēs baroka muzyka

Rēzeknē skanēs baroka muzyka

Nu 9. leidz 15. septembrim Rēzeknē skanēs baroka muzyka. Festivals ir Bāzelē dzeivojūšys rēzeknītis baroka čellistis Ilzis Grudulis i „Kesselberg Ensemble” iniciativys, festivala direktoris Inesis Pāvulānis nanūgurstūšuo dorba i 9 godu laikā rodušuos sadarbeibys storp pasauļa klasis muzikim i Rēzeknis Muzykys vydsškolys pasnīdziejim i studentim rezultats. Festivala laikā nūtiks gon koncerti, gon lekcejis i meistarklasis.

9. septembrī 16:00 J. Ivanova Rēzeknis Muzykys vydsškolā nūtiks lekceja „Nīderlandes baroka mūzika“(lektoris Inese Pāvule i Ilze Grudule); 10. i 11. septembrī 19:30 J. Ivanova Rēzeknis Muzykys vydsškolā byus Hugo Nessena (Hugo Naessens) i Josta van der Lindena (Joost van der Linden) (Nīderlande) meistarklase baroka dzīduošonā; 12. septembrī 15:00 J. Ivanova Rēzeknis Muzykys vydsškolā nūtiks meistarklase baroka dzīduošonā.

Koncerti:

Festivala atkluošonys koncerts 10. septembrī 18:00 Rēzeknis Muokslys nomā Virdžināla muzykys vokors, veļtejums Erasmam, izstuodis „Doesburg/Rezekne. Impressies/Iespaidi” atkluošona.

12. septembrī 18:00 Latgolys viestnīceibā „Gors” koncerts „An dem stillen Meeresstrande“/„Klusajā jūras krastā“ – programys pyrmatskaņuojums Eiropā. Piec koncerta – diska prezentaceja i saruna ar komponistu Casanova.

14. septembrī 19:00 Latgolys viestnīceibā „Gors” i 15. septembrī Stirnīnis Sv. Laura Rūmys katuoļu bazneicā nūtiks nīderlandīšu baroka muzykys koncerts „Twee overzijden worden weer buren – Divi krasti atkal kļuva par kaimiņiem”

Ziņu sagataveja: LaKuGa piec pasuokuma organizatoru informacejis

Print Friendly, PDF & Email

Nūtikšonu kalendars

Jun
30
Cat
vysu dīnu Džeinys Gavaris gleznu izstuode ... @ Maltys viesturis muzejs
Džeinys Gavaris gleznu izstuode ... @ Maltys viesturis muzejs
Jun 30 vysu dīnu
Džeinys Gavaris gleznu izstuode "Mantojums" @ Maltys viesturis muzejs
Da 30. juņa Maltys viesturis muzejā var apsavērt dzīsmineicys, gleznuotuojis i dzejneicys Džeinys Gavaris gleznu izstuodi “Mantojums”. Poša Džeina Gavare stuosta: “Izstuode ir kai turpynuojums viestei par mīlesteibu. Izstuode ir par tū, kuo „pādūs” mes[...]
Jul
1
Pīk
20:00 Grupys “Reibums” koncerts @ "Fresh Terase"
Grupys “Reibums” koncerts @ "Fresh Terase"
Jul 1 @ 20:00 – 21:30
Grupa “Reibums” ir cālusēs Rāznys azara krostā Kaunatā Covid īrūbežuojumu laikā, kod vīneiguos izklaidis vareibys beja izklaidēt sevi pošim. Tok dalinīku saspēlis pyrmsuokumi meklejami jau lobu laiku īprīšk.   Grupa “Reibums” spielej vīnkuoršu, jautru dzeivū[...]