Eiskinai „Muola varā” 3. vīta konkursā

Eiskinai „Muola varā” 3. vīta konkursā

LaKuGa īprīkš viesteja, ka Eiropys sadarbeibys dīnai par gūdu itūgod Lītovys Republikys Īkšlītu ministrejis dybynuotuo vaļsts īstuode Apvīnuotais tehniskais sekretariats i Viļnis kinoteatris „Pasaka” 21. septembrī reikuoja eiskinu konkursu kai izaicynuojumu – voi var radeit muokslys kinu par kaidu nu ES finansātim projektim? Tī ir projekti, kurus kūpeigi eistynoj Lītovys, Latvejis, Pūlejis i Boltkrīvejis organizacejis.

Konkursā pīsadaleja Latgolys entuziastu grupa „Biļdis” ar izveiduotū eiskinu „Muola varā” par Rēzeknē, Grodņā (Boltkrīveja), Kedaiņūs (Lītova) kūpeigi realizātū projektu „Virtuālā pagātne – muzeju nākotne” (The Virtual Past is a Keystone for the Future of Museums). Kinys veiduotuoji: scenarejs – Ineta Atpile-Jugane, režisors- Edgars Blinovs, operatori, montaža – Sergejs Čakāns, Artis Vītols, Vitālijs Dudarenoks. Eiskinu var nūsavērt ite.

Konkursa rezultatā Latgolys entuziastu grupys „Biļdis” eiskina “Muola varā” īgiva 3.vītu i vierteigu bolvu, kas nūderēs turpnuokajā dorbā ar audiovizualajim projektiem.

OLYMPUS DIGITAL CAMERA

Karteņa: 1 nu kreisuos pusis Artis Vītols, Ineta Atpile-Jugane, pasuokuma vadeituojs Giedrius Surplys, Vitālijs Dudarenoks, Edgars Blinovs. Kartenis autors: B. Jugans.

Ziņu sagataveja: LaKuGa piec Latgolys entuziastu grupys „Biļdis” snīgtuos informacejis

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]