Dzīdūšuos saimis TV jau nu 6. oktobra

Dzīdūšuos saimis TV jau nu 6. oktobra

Itūgod jau pīktū reizi nūtiks Latvejis saimu dzīduošonys svātki – šovs „Dziedošās ģimenes”. Nu 6. oktobra LNT kanalā tiks nūskaidruota pīcgodis dzīdūšuokuo saime. Šovā pīsadaleis ari vairuokys saimis nu Latgolys:

Reiņu saimi puorstuovēt gatavejās 2 muosys, muoseica i, īspiejams, vēļ bruolāni (kūpā 3–5 cylvāki). Juos ir muzykalys i šmukys. Puorstuov Rēzekni.

Mortukānu saime par sovu dzymtū piļsātu skaita Kuorsovu, bet niu izkleiduši pa vysu Latgolu. Iz skotuvis jī kuops 12–14 cylvāku sastuovā. Jī perfekti dzīd unisonā, ir kruosaini, rodūši i talanteigi. Jī spieļoj daudzus muzykys instrumentus i sovus prīšknasumus papyldynoj ar danču sūlim.

Jau piec pyrmuo raidejuma nu vysom saimem ceiņu turpynuos tikai treis lobuokuos i jom pīsavīnuos septenis dzīdūšuos saimis nu īprīkšejūs godu šovim – Uškānu saime, Eriņu saime, Baumaņu saime, Riču saime, Liepiņu saime, Ņikonovu i Laicānu saime. Šovu vadeis Jolanta Strikaite i Juoņs Auzāns.

 

Ziņu sagataveja: LaKuGa piec www.lnt.lv publicātuos informacejis

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]