Rēzeknis kulturys nomā 6. oktobrī 15:00 nūtiks lobdareibys koncerts, kas teik reikuots, lai paleidzātu Rēzeknis uorstam Edgaram Zarembo, kurs ir gluobs daudzu cylvāku dzeiveibys. Niu jam pošam vajadzeiga leidzcylvāku paleidzeiba.

Edgars Zarembo ir sertificāts kirurgs i bārnu kirurgs, kai ari apvuiceit tīseigs kirurgs. Vuicejīs Latvejis Medicinys akademejā, Reigys Stradeņa universitātē, laparoskopiskuos kirurgejis institutūs Hamburgā (Vuocejā) i Parīzē (Francejā), laparoskopiskuos kirurgejis kursūs Stambulā (Turcejā) i Turīnā (Italejā), papyldus apvuiceiba bārnu naatlīkamajā kirurgejā Zalcburgā (Austrejā).

Koncertā pīsadaleis Pavlovsku saime, Tihovsku saime, Puncuļu saime, Rēzeknis Zaļuo kora baritoni, grupa „Zaļā gaisma”, Diāna Kempiša, Zane Kurme, „Dricānu dominante” i cyti muokslinīki.

Īeja koncertā par zīduojumim.

Ziņu sagataveja: LaKuGa piec pasuokuma organizatoru informacejis