UNESCO nedeļa ari Latgolā

UNESCO nedeļa ari Latgolā

UNESCO Logo FI

Itūnedeļ UNESCO nedelis laikā vysā Latvejā nūteik dažaidi pasuokumi lokaluo kulturys montuojuma i aizviņ vēļ dzeivūs tradiceju izceļšonai. Pasuokumi teik aizvadeiti, aizeimojūt UNESCO Konvencejis par namaterialuos kulturys montuojuma saglobuošonu 10. godadīnu. Vaira par konvenceju var dazynuot ite.

Latgolā vairuoki pasuokumi ir jau nūtykuši, bet iz dažim vēļ var paspēt.

17. oktobrī Nautrānu vydsškolā 1. leidz 8. klasis školāni vuiceisīs par paražom, svātkim i ritualim. Školys etnografiskais ansamblis i vadeituoja Anna Garanča vuiceis latgalīšu rūtalis i daņčus.

18. oktobrī Bolvu nūvoda muzejā 10:00 suoksīs ausšonys meistardarbneicys. Kūpā ar audieju Ivetu Gabrāni varēs īpazeit Zīmeļlatgolai rakstureigū tārpu. Nūtiks ari stuovu sakuortuošona dorbam – audakla īviļkšona, kai ari varēs sajimt audiejis konsultacejis cytūs vaicuojumūs.

Nautrānu vydsškolys muzejā nūtiks muzeja stunda „Senie darbarīki” školys 1.–8. klasis školānim, kuri tiks īpazeistynuoti ar senejim dorbareikim i ar tūs paleidzeibu dabojamim produktim i izstruoduojumim.

Taipat vysu nedeļu vairuokys aktivitatis pīduovoj ari Preiļu Viesturis i lītišķuos mokslys muzejs.

Ziņu sagataveja: LaKuGa piec UNESCO Latvejis Nacionaluos komisejis informacejis

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]