Kolnasāta 26. oktobrī

Kolnasāta 26. oktobrī

Jiusu viereibai Latvejis Radejis 1. programys latgaliskuo raidejuma “Kolnasāta” kasnedelis laidīņs.

Itūnedeļ “Kolnasātā” pīduovojam nūsaklauseit sarunu ar školuotuoju, rakstneicu i literaturkritiki Ivetu Ratinīku. Jei stuosteis par latgalīšu dzeju i prozu, sovu dorbu Reigā ar školānim i jūs skaiteišonys porodumim, kai ari tū, voi vyspuor pi myusu ir īspiejams radeit ”bestselleru”?
Sižetā nu Latgolys dzierdēsit par div latgalīšu eko-uzjiemiejdarbeibu. SIA ”EcoTermo mazgāšana” ir div jaunu, uzjiemeigu veirīšu veikums. Gondreiž godu struoduojuši Lelbritanejā, niu jī atsagrīzuši Latgolā.
Vuordineicā Valentins Lukaševičs stuosteis, kai vēļ latgaliski sauc skriņci. Jis ir atrads taidu aizmierstu i seneju vuordu kai ”gaņkys”.
Bet rubrikā ”Gudram gudra runa” pastuosteisim par divu latgalīšu parteju streidim poguojušuo godu symta 30. godūs.

 

Raidejumu klausīs ite.

 

Raidejumu taisa – Aigars Runčis, Daira Kokoreviča i Ilze Sperga.

Kalenders

Feb
8
Sai
all-day Izstuode “Baba, kurū škārsteikla... @ Kuorsovys kulturviesturis centrs "Līču mājas"
Izstuode “Baba, kurū škārsteikla... @ Kuorsovys kulturviesturis centrs "Līču mājas"
Feb 8 all-day
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
15:00 Koncerts “Sadziedami – sadzīdami!” @ Kulturtelpa "Tintnīca"
Koncerts “Sadziedami – sadzīdami!” @ Kulturtelpa "Tintnīca"
Feb 8 @ 15:00 – 17:00
Kod dīnys palykušys garuokys i gaisā jiutama pavasara tyvuošonuos, 8. februarī 15.00 stuņdēs Latvejis Nacionaluo rakstnīceibys i muzykys muzeja kulturtelpā “Tintnīca”, Reigā, Pulka īlā 8, sīviškeiguos “Stiprās sievas” nu Reigys i Līpuojis i šarmantuos latgalītis[...]