Kulturys zeime „Latviskais mantojums”ir izveiduota piec „Lauku ceļotāja” iniciativys i teik pasnīgta Latvejis turisma uzjiemiejim, kuri sagloboj i daudzynoj latviskū kulturu i sadzeivis montuojumu, ruodūt tū apmaklātuojim.

Piec ituos zeimis var pazeit vītys, kur saiminīki apmaklātuojim ir gotovi ruodeit i stuosteit, gasteit ar latviskim iedīnim, vuiceit omotus i prasmis, svieteit latviskus svātkus.

2013. goda 24. oktobrī Igatis pilī Lauku turisma asociacejis „Lauku ceļotājs” kūpsapuļcis i 20 godu jubileja pasuokuma laikā 16 lauku turisma uzjiemiejim tyka pasnīgta mārketinga zeime „Latviskais mantojums”, kūpumā tū sajēme 28 pretendenti.

Zeime tyka pasnīgta Gunāram Igauņam nu Gaigalovys pogosta (Senlaiku muzykys instrumentu darbneica) par tradicionalū muziciešonu i muzykys instrumentu daudzynuošonu i pūdnīkam Aivaram Ušpeļam nu Maltys pogosta par tradicionaluo omota prasšonys uzturiešonu.

Vaira informacejis: kultura.celotajs.lv

Ziņu sagataveja: LaKuGa piec Rēzeknis, Rēzeknis i Viļānu nūvodu TIC