Izdoncuosim Lielvārdes jūstys deju rokstus Andrejdīnā

Izdoncuosim Lielvārdes jūstys deju rokstus Andrejdīnā

30. novembrī 17.00 stuņdēs Rēzeknis piļsātys kulturys nomā (Bruoļu Skryndu īlā 3, koncertzalā) jau pīcpadsmitū raizi sevkurs iņteresents ir meili aicynuots iz literari muzikalū Andrejdīnys pasuocīni.

Afisa_Andrejdiena_2013Kai īrosts byus sasatikšona ar dzejnīkim, muzkim i puorsteiguma bolvys skateituojim. Itūgod nūtiks ari Rēzeknis Augstškolys (RA) literatu kūpkruojuma „Pīturys punkti bez pīturu” prezentaceja. Tymā apkūpuoti 19 RA literātu dorbi. Kruojums ir kai sova veida nūslāgums RA reikuotajam konkursam, kas nūtyka par gūdu augstškolys 20 godu jubilejam i kurā sovus dorbus pīduovuoja kai absolventi, tai asūšī studenti.

Īskots tiks dūts ari DVD „Kaunatys vītu vuordu stuosti” materialā. Taidā veidā, turpynojūt RA īsuoktū tradiceji, folklorys ekspedicejas laikā savuoktū materialu apkūpuot popularizēt plašuokai sabīdreibai. Pyrma ituo ir izdūti DVD „Cyblys meiklis” (2009), „Aulejis anekdoti” (2010) i „Ondrupinis roksti” (2011). Tys ir bilingvals izzinis i vuiceibu materials, kas dūmuots školom, bibliotekom, nūvoda kulturviesturis i folklorys pietnīkim i sevkuram interesentam. Kai īrosts, RA izdavumus varēs sajemt nūsauktūs īstuožu puorstuovi.

Projekta „Lielvāredes jostas dejas raksti” vadeituojs Ernests Spīčs īpazeistynuos ar myusu senču horeografejis rokstu sakriteibu ar Lelvuordis jūstā atrūnamajim. Kūpā ar deju kolektivu „Dziga” byus vareiba šūs rokstus izdoncuot ari pošim.

Anderjdīnys dalinīki teik aicynuoti iz pasauocīni īsarast sorkonā i boltā kai Latvejis karūgs i Lelvuordis jūsta.

Pasuokumu reikoj i atbolsta Rēzeknis Augstškola i Rēzeknis Latgalīšu kulturys bīdreiba.

 Ziņu sagataveja: Evita Kozule, RA 3. kursa filologs

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
18:00 Bronislavai Martuževai veļteits ... @ Latgolys viestnīceiba "Gors"
Bronislavai Martuževai veļteits ... @ Latgolys viestnīceiba "Gors"
Apr 13 @ 18:00 – 19:30
“Topi stipra, sirds” – koncertizvadums, kas veļteits izcyluos latvīšu dzejneicys i dzīsmineicys Bronislavys Martuževys 100. jubilejai. Koncertizvaduma muokslinīcyskū koncepceju veidoj dirigente Aira Birziņa i aktrise Baiba Broka. Dzejneicys Bronislavys Martuževys (1924–2012) symtgade tiks svieteita 2024.[...]