Aizvadeits LaLaDra Ārdavā

Aizvadeits LaLaDra Ārdavā

23. novembrī Ārdovys saītu kuormā sadarbeibā ar LgSC tyka aizvadeits literari muzykalais pasuokums „Latgalīts latgalīšam draugs” ci „LaLaDra”.

Kai jau vysod šymūs pasuokumūs, dalinīku vydā beja aicynuoti latgalīšu literati i muzykanti, vysu vaira tī, kuri dzeivoj Preiļu, Daugavpiļs apleicīnē. Lai gon LaLaDra parosti ir cīši pozitivs i ar humora dasitīni, itūreiz tys tika izveiduots mīreiguos i puordūmu nūskaņuos, pīmynūt tai sauktajā „Maxima” tragedejā cītušūs. Pasuokums beja kai aicynojums vysim apleicejim apsazynuot patīsūos vierteibys, cylvāka dzeiveibys trauslumu.

Pasuokumā ar sovom dzīsmem i muzyku pīsadaleja Ārdovys folklorys ansamblis „Noktirnes”, dzīsmineica Džeina Gavare, Romāns Sladzis i Tatjana Nizjulko nu grupys „Ze Pikniks”, Agnese Timofejeva nu folklorys kūpys „DYRBYNI”. Sirds vuordus dzejā izsaceja Rita Cvetkova, Anita Urča, Rasma Zariņa, Dagneja Bramane. Klauseitīs prīkšnasumus i byut tymā vysā vydā beja atbraukuši gosti nu Aizkalnis, Pelieču i Preiļu. Apmaklātuojim beja īspieja pīsadaleit konkursūs i dabuot gruomotys nu LgSC i Ārdavys biblotekys, kai ari īspieja nūpierkt suvenirus, muzykys diskus i gruomotys latgaliski i par Latgolu.

DSC_8119

 

DSC_8112

 

DSC_8099

DSC_8094

 

DSC_8076

 

DSC_8066

Ziņu sagataveja: Dagneja Bramane
Kartenis: LgSC arhivs

Print Friendly, PDF & Email

Kalenders

May
24
Pīk
22:05 Raibīs. Pyrma syltī. Zalta tesmi... @ Latvejis Radio 1
Raibīs. Pyrma syltī. Zalta tesmi... @ Latvejis Radio 1
May 24 @ 22:05 – 23:00
Raibīs. Pyrma syltī. Zalta tesmini. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
25
Sai
19:00 Grupys “Raxtu Raxti” i “Sinfonie... @ koncertzāle "Lielais Dzintars"
Grupys “Raxtu Raxti” i “Sinfonie... @ koncertzāle "Lielais Dzintars"
May 25 @ 19:00 – 21:00
Līpuojis koncertzālis pavasara sezonys nūslāgumā iz leluos skotivis varēs pīdzeivuot eipašu mageju, kū veiduos mejīdarbeiba tautys i akademiskuos muzykys vydā – grupa “Raxtu Raxti” i kamerorkestris “Sinfonietta Rīga” dirigenta Normunda Šnē vadeibā. Kūpeigajā koncertprogramā skanēs[...]