27. decembrī sovu 10. godadīnu svieteis grupa „Bez PVN”, deļ tuo, atguodojūt pyrmū koncertu Kuorsovys kulturys nomā, grupa aicynoj iz jubilejam veļteitajim koncertim vairuokuos Latvejis piļsātuos. Koncerti jau aizvadeiti Daugavpilī, Rēzeknē i Jelgovā. Reit grupa redzinīkus prīcēs klubā “Četri balti krekli” ap 23:30. Nūslāguma koncerts byus 27. decembrī Kuorsovys Kulturys nomā.

Latgalīšim, jo eipaši Latgolys jaunīšim i jaunajim muzikim, grupa „Bez PVN” ir bejuse īdvasmys olūts i latgaliskuo nesieji daudzu godu garumā. Jī ir vīnu nu Latgolys modernuos muzykys aizsuociejim, pīruodejuši, ka muzyka latgaliski var byut myusdīneiga, moderna i na tik šlagera stilā i tautysdzīsmēs. „Bez PVN” taipat kai pyrma 10 godim palykuši izticeigi sauklim „Mes dzīžam taidā volūdā, kaidā dūmojam!”

10 godu laikā grupa uzastuojuse i pīsadalejuse vaira kai 500 koncertūs, pasuocīņūs, bejušys dažaida leluma veiksmis, bolvys i tituli leluokūs i mozuokūs festivalūs i konkursūs. Leidz šam atpazeistamuokuo grupys dzīsme ir bejuse „Screen”, kas 2008. goda sezona kliva par LR2 „Muzykaluos bankys” spylgtuokū debeju.

Ziņu sagataveja: LaKuGa
Karteņa: Laura Pastare