5. decembrī nūsaslēdze muzykys īrokstu īsnīgšona viertiešonai 18. Muzykys īrokstu goda bolvai „Zelta Mikrofons”, kas īprīšk beja zynoma kai „Latvijas Mūzikas ierakstu Gada balva”. Sovys īrokstus īsnīdze ari vairuokys latgalīšu grupys, izpiļdeituoji i latgaliski dzīdūši muokslinīki. Kūpumā registrāti vairuok kai 200 īroksti, itūgod bolvai sataiseitys ari jaunys nominacejis. Apbolvuošonys ceremoneja nūtiks 2014. goda 5. martā Latvejis Nacionalaja teatrī.

Vysi īsnīgtī īroksti tiks nūdūti izviertiešonai žurejai 47 muzykys ekspertu sastuovā. Pyrmī rezultati byus zynomi 9. janvarī, kod eipašā presis konfereņcē tiks paviesteiti pīci pretendenti iz bolvu kotrā nu nominacejom. Ar vysim pretendentim var īpasazeit ite.

Latgaliski dzīdūšī muokslinīki pretendej iz itaidom nominacejom:

Lobuokais pop albums – Laura Bicāne “Es tikai ļaujūs”

Lobuokais pop-rock albums – Bez PVN “Reits”

Lobuokais šlagermuzykys i kantrī muzykys albums – Ginc un es “Esi Latgalīts”

Lobuokais tautys muzykys albums – Ondrupinis Tautys noma folklorys kūpa “Sovvaļnīki” “Sovvaļnīki”; etnogrāfiskais ansamblis “Vabaļis” “Pa ceļeņu”; folklorys kūpa “Svātra” “Seši reiti nedeļā.”; Kuorsovys nūvoda danču muzykanti “Muzykant, laiks tovai garmaņai!”. Latgalīšu izpiļdeituoju ci latgaliskys dzīsmis atrūnomys ari albumūs: Biruta Ūzuleņa i DJ Monsta “Sauli sēju”, Laiksne “Es čigāna meita biju” i “Sviests V”.

Lobuokais alternativuos muzykys albums – Projekts KAPĻI “Prauda par Madali”

Lobuokais muzykys video klips – Bez PVN “Tylts” i “Zuoleite”

Lobuokuo debeja – Laura Bicāne “Es tikai ļaujūs”

Lobuokuo dzīsme – Bez PVN “Zuoleite”, Dabasu Durovys “Negaiss”, Laiksne “Svātki guoja”,

Ziņu sagataveja: LaKuGa izmontojūt gadabalva.lv informaceju