Bolva “Latvijas lepnums 2013” ari Latgolys puorstuovim

Bolva “Latvijas lepnums 2013” ari Latgolys puorstuovim

Decembra beiguos jau dasmytū godu piec kuortys nūtyka “Latvijas lepnuma” svineiguo ceremoneja. Itūgod nominacejā “Novadnieks” bolvu sajēme latgalīšu gruomotu izdeviejs, Latgolys Kulturys centra izdevnīceibys dybynuotuojs i vadeituojs Juoņs Eļksnis, bet nominacejā “Mecenāts” – SIA “Z-light” vadeituojs Daumants Pfafrods.

Juoņs Eļksnis dzims 1933. goda 21. oktobrī Drycānu pogostā. Vuicejīs Drycānu pamatškolā, Reigys 2. poligrafejis muokslys orūdu školā, Tautys kulturys universitatis Lītiškuos muokslys fakultatis Latgolys keramikys nūdaļā, Daugovpiļs Pedagogiskuo instituta Filologejis fakultatē i Latvejis Muokslys akademejā, struodojs tipografejuos i školā.
Nu 1990. goda Juoņs Eļksnis ir Latgolys Kulturys centra izdevnīceibys vadeituojs. Izdevnīceibā izdūts vairuok nakai 400 gruomotu, nu tuom apmāram 150 gruomotys latgalīšu volūdā. Kotru godu Eļkšņa vadeibā teik veiduots “Tāvu zemes kalendars” i rokstu kruojums “Olūts”.
Eļksnis ari pats publiciejs rokstus par izdevnīceibys dorbim i īcerem, kulturviesturiskys atminis par dzymtū pusi, kai ari rokstus par tekstu publiciešonys i gruomotu veiduošonys i izdūšonys muokslinīciskajim principim.
1994. godā Juoņs Eļksnis sajiems Treju Zvaigžņu ordini, bet 2004. godā atzeits par Rēzeknis Gūda pylsūni.

Daumants Pfafrods ir Leivuona uzjiemiejs, kurs voda SIA “Z-light”, kas nūsadorboj ar optiskū škīdru kabeļu ražuošonu. Pfafrods nūsadorboj ari ar mecenatismu – ar juo paleidzeibu jau vairuok nakai 60 Leivona nūvoda jaunīšu nu tryuceigom saimem sajāmušs īspieju vuiceitīs augstškoluos. Pyrms apmāram desmit godu Daumants Pfafrods sadarbeibā ar Leivuona pošvaļdeibu izveiduojs stipendeju fondu. Taipat itymā vuiceibu godā nūdybynuota ari Izcileibys bolva pedagogim.
Daumants Pfafrods pats ir dzims Kūrzemē, bet nu jau vairuokus godu desmitus dzeivoj Leivuonā, i juo mierkis ir panuokt, lai Leivuons otkon uzplauktu.
2013. godā Pfafrods atzeits ari par Leivona Gūda pylsūni.

“Latvijas lepnuma” ceremonejā jau desmit godu teik gūdynuoti cylvāki, kas dora vairuok, nakai kaids nu jim tū varātu praseit voi sagaideit, īt i dora, lai paleidzātu pīpiļdeit cereibu voi sapynu, izgluobtu voi atbaļsteitu. Nominēt kandidatus var sevkurs, aizrokstūt viestuli, kurys viertej žureja. Itūgod bolvys tyka padūtys desmit nominacejuos.

Ziņu sagataveja: LaKuGa
Karteņa: publicitatis karteņa

Print Friendly, PDF & Email

Kalenders

Feb
23
Pīk
18:00 Ūtrais čangaļu saīts ci latgalīš... @ Ūzulainis tautys noms
Ūtrais čangaļu saīts ci latgalīš... @ Ūzulainis tautys noms
Feb 23 @ 18:00 – 23:00
23. februarī nu 18.00 da 23.00 stuņžu Ūzulainis tautys nomā nūtiks ūtrais “Čangaļu saīts ci latgalīšu olimpiade”, aicynojūt iz prīceigu i gordu laika pavadeišonu latgaliskā atmosferā. Tei nav tipiska olimpiade, jo tamā varēs: pasasmīt par[...]
Feb
24
Sai
14:00 Koncertizvadums “Atgriežamies La... @ Latvejis Nacionalais teatris
Koncertizvadums “Atgriežamies La... @ Latvejis Nacionalais teatris
Feb 24 @ 14:00 – 16:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]