„Zelta Mikrofons 2013” nominantu vydā ari latgalīšu muziki

„Zelta Mikrofons 2013” nominantu vydā ari latgalīšu muziki
Šudiņ presis konferencē Latvejis Nacionalajā teatrī tyka paviesteiti pretendenti iz Muzykys īrokstu goda bolvu „Zelta Mikrofons 2013”.

LaKuGa jau īprīšk raksteja, ka nominacejom īsnāgti ari latgalīšu ci latgaliski dorbi. Niu ar prīcu varam paziņuot, ka piec žurejis izviertiešonys kandidatu iz bolvu vydā tykuši:

Lobuokais pop/rock albums nomināts grupys „Bez PVN” ūtrais albums „Reits”.

Lobuokais tautys muzykys albums nomināts Birutys Ūzulenis i DJ Monsta kūpdorbs „Sauli sēju”. Taipat itymā kategorejā nomināts myusdīnu tautys muzykys izlase „SVIESTS V”, kurymā ari ir vairuokys dzīsmis latgaliski.

Lobuokais alternativuos muzykys albums – bez puorsteigumim: nominacejis vydā ari Projekts „Kapļi” albums „Prauda par Madali”.

Svineiguo uzvarātuoju paziņuošona i bolvu padūšona byus 5. martā Latvejis Nacionalajā teatrī. Tod ari izzynuosim, ci kaids nu latgalīšu ci latgaliskajim dorbim dabuos Muzykys īrokstu goda bolvu par 2013. godā padareitū.

Muzykys īrokstu goda bolvai „Zelta Mikrofons”, kas īprīšk beja zynoma kai „Latvijas Mūzikas ierakstu Gada balva”, īsnāgti vaira kai 200 2013. goda īroksti, itūreiz bolvai tyka sataiseitys ari jaunys nominacejis. Vysi īsnāgtī īroksti tyka atdūti izviertiešonai žurejai 47 muzykys ekspertu sastuovā.

Karteņā – grupa “Bez PVN”.

Print Friendly, PDF & Email

Kalenders

Jun
19
Tre
13:00 Latgolys muzykys i muokslys vyds... @ Latgolys viestnīceiba "Gors"
Latgolys muzykys i muokslys vyds... @ Latgolys viestnīceiba "Gors"
Jun 19 @ 13:00 – 15:00
Marts Dreļs – Koncertprograma “Cikliskās pārdomas”. Marts muzykali īsatekmiejs nu tautys, džeza i akademiskuos muzykys. Koncertā izskanēs div Marta Dreļa originalkompozicejis: “Aiz stūra” i “Kādā veidā?”. Marta muzykalī celi nuokūtnē vess iz Kopenhagenu, kur jis[...]