Festivala “Muzykys Skrytuļs” organizatori izziņoj nūtikšonu laikus

Festivala “Muzykys Skrytuļs” organizatori izziņoj nūtikšonu laikus

Jaunuos latgalīšu muzykys festivala “Muzykys Skrytuļs” organizatori aicynoj vysus sovūs kalenderūs i  planavuotuojūs atzeimēt ituos vosorys juļa pyrmū nedeļgolu, tys ir nu 4. da 6. juļam, i napalaist gar dagunu pasuokumu Daugavpiļs nūvoda Leiksnā, kū gaida na tik vysa Latgola, bet ari puorejuo Latveja!

Jaunuos latgalīšu muzykys festivals “Muzykys Skrytuļs” pyrmū reizi nūtyka 2005. godā i turpynuoja veiksmeigai rypuot ari 2006., 2007. i 2011.  godā. Ari itūgod byus vareiba kūpā saīt gon jaunim, gon atpazeistameibu givušim muzykantim, kuri vysaiduokūs žanrūs roda jaunys dzīsmes latgaliski, voi kuri sagloboj latgalīšu tradicionaluos muzykys vierteibys, lītojūt myusu dīnu aranžejuma metodis. Festivals ir nakomercials, tuo moto “Kruot var na tikai naudu” teik calts gūdā ari 2014. godā.

Itūgod festivala nūtikšonuos byus jaunynuojumi. Festivala aktivitatis byus vasalys treis dīnys, kai ari uzastuot tiks aicynuotys grupys nu vysys Latvejis i gosti nu aizrūbeža.

Festivala jaunumim var sekuot leidza ari socialajūs teiklūs: draugiem.lv, facebook.com, twitter.com voi lītojūt #MS14, kai ari organizatoru sātys lopā.

Festivalu tradicionalai reikoj Daugavpiļs nūvoda Kulturys puorvaļde i Leiksnys pogosta puorvaļde.

 

Ziņa sagataveita piec pasuokuma organizatoru dūtuos informacejis.