Suokusēs dasasaceišona Rēzeknis pusmaratonam

Suokusēs dasasaceišona Rēzeknis pusmaratonam

Tik napylni treis mieneši atlykuši leidz jaunajai „Skrien Latvija 2014” sezonai i tuos pyrmajam pūsmam – Rēzeknis pusmaratonam, kas nūtiks 6. aprelī Rēzeknē (starts pi Kulturys noma). Vysim skrīšonys draugim, entuziastim, īsuociejim i profesionalim portalā rezeknespusmaratons.lv jau ir īspiejams registrētīs, kai ari tī atrūnams skriejīņa nūlykums.

Organizatori ziņoj, ka byus jauna skriejīņa trase, kas vaira īkļaus Rēzeknis piļsātys centru i Latgolys viestnīceibu GORS. Vīna apļa garums byus 5,27 kilometri, respektivi – tautys skriejīņa dalinīkim juoveic vīns itaids aplis (5,27 km), NIKE skriejīņa dalinīkim – diveji apli (10,55 km), pusmaratona dalinīkim – četri apli (21,097 km).

Vysa seriala „Skrien Latvija” jaunums ir plašuoks dalinīku grupu sadaliejums NIKE skriejīņūs, kū var apsavērt saceņseibu nūlykumā.

Organizatori sūlej, ka 5. apreļa vokorā dalinīkim byus pīejams kaids kulturys pasuokums ar eipašom atlaidem Latgolys viestnīceibā GORS, bet par tū vaira informacejis byus vieļuok.

Ziņa sagataveita piec pasuokuma organizatoru informacejis

Print Friendly, PDF & Email

Kalenders

Jul
13
Sai
19:00 Koncertizvadums “Atgriežamies La... @ Lejiscīma estrade
Koncertizvadums “Atgriežamies La... @ Lejiscīma estrade
Jul 13 @ 19:00 – 21:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]
22:00 Postfolklorys grupys “Rikši” uza... @ Rotko muzeja pogolms
Postfolklorys grupys “Rikši” uza... @ Rotko muzeja pogolms
Jul 13 @ 22:00 – 23:00
13. julī Daugovpiļs cītūksnī nūtiks 7. storptautyskais viesturyskuos rekonstrukcejis festivals “Dinaburg 1812”. Tū nūslēgs postfolklorys grupys “Rikši” uzastuošona.