Jaunradis deju konkursā gūdolgys ari Ilmāra Dreļa dejom

Jaunradis deju konkursā gūdolgys ari Ilmāra Dreļa dejom

25. janvarī Valmīrys Kulturys centrā nūtykušajā kasgadejā Jaunradis deju konkursā gūdolgys sajēme Ilmāra Dreļa dejis: latvīšu tautys dejis “Lancis” apdare i deja “Zali meženi”.

Jaunradis deju konkurss ostoņpadsmit godu laikā palics par vīnu nu nūzeimeiguokajim nūtykumim latvīšu dejis nūzarē. Kotru godu Valmīrā sasateik Latvejis dejis profesionali i meiļuotuoji, lai ruodeitu sovys idejis i vierteitu cytu snīgumu. Konkursa aizdavums ir nūdrušynuot muokslinīciski augstvierteiga repertuara izveidi Latvejis tautys deju kolektivim, stimulēt horeografus jaunradis dorbam i sadarbeibai ar komponistim. Aizvadeitūs Deju svātku īdvasmuoti jau niu Latvejis doncuotuoji ar naatsluobstūšu aizrauteibu i jaunu energeju gatavejās svātkim 2018. godā.

Itūreiz konkursā beja dasaceits eipaši lels skaits deju – kūpā 85 dejis,  pīsadaleja 30 jaunī autori i 17 autori ar pīredzi. Pīredzis boguotūs autoru grupā startēja deju svātku viersvadeituoji Jānis Purviņš, Taiga Ludborža, Agris Daņiļēvičs, Jānis Marcinkevičs, Gunta Skuja, Iluta Mistre, Māra Simsone nu Kanadys i Vilnis Birnbaums nu ASV, ari Ilmārs Dreļs.

Nu pyrmuos jaunradis deju skatis Valmīrā Dreļs aktivi veidoj i pīduovoj Latvejis doncuotuojim sovys  jaundejis kapelys “Dziga” muzykys pavadeibā. Tuos teik īkļautys daudzu deju kolektivu repertuārā, teik doncuotys Deju svātkūs i festivalūs. Ari itūgod deju kūpys “Dziga” jaunīšu i videjuos paaudzis doncuotuoju sastuovi iz skati īstudieja treis I.Dreļa dejis i vīnu  L.Liporas deju. Skati viertieja kompetenta žūreja. Ilmāra Dreļa dejis tyka augstu noviertietys i nu žūrejis, i nu kolegu i skateituoju pusis: latvīšu tautys dejis “Lancis” apdare īgiva 3. vītu i deja “Zali meženi” veicynuošonys bolvu.

XVIII Jaunradis deju konkursu reikoj Latvejis Nacionalais kulturys centrs sadarbeibā ar Valmīrys Kulturys centru.

Ziņa sagataveita piec Ingys Drelis dūtuos informacejis.

Kalenders

Feb
15
Sai
all-day Izstuode “Divi fotogrāfi – dažād... @ Latgolys Kulturviesturis muzejs
Izstuode “Divi fotogrāfi – dažād... @ Latgolys Kulturviesturis muzejs
Feb 15 all-day
Rēzeknis fotografi Ivars Daugulis i Eduards Utāns apvīnuojuši vīnā izstuodē diveju žanru fotografejis. Ivars Daugulis bīžuok sova fotoaparata objektivu pavierš ainovys vierzīnī, giunūt šaļts i dobā, i piļsātys vidē. Sovpus Eduarda Utāna fokusā itūreiz sīvīšu[...]
all-day Latgolys Etnografiskuos viestnīc... @ Varakļuonu nūvoda muzejs
Latgolys Etnografiskuos viestnīc... @ Varakļuonu nūvoda muzejs
Feb 15 all-day
Kai stuosta “Latgolys etnografiskuos bīdreibys” vadeituoja Iveta Seimanova, tod bīdreibys jaunais projekts – vysaidu Latvejis vītu tautystārpūs apvylkti ļauds, kuri īmyužynuoti kūpā ar jau zynomajom projekta “Lobs ar lobu sasatyka” lelem Latgolys tautystārpūs – ir[...]