Mairitys Folkmanis izstuode Latgolys Centralajā bibliotekā Daugovpilī

Mairitys Folkmanis izstuode Latgolys Centralajā bibliotekā Daugovpilī

Nu 3. februara leidz 28. februaram Latgolys Centraluos bibliotekys periodikys laseituovā apsaverama Daugovpiļs muokslineicys Mairitys Folkmanis izstuode “13/14 vai Nūceja/Cerība”

folkmaneItei izstuode ir stuosts par muokslineicys Mairitys Folkmanis identitatis vaicuošonu dzymtajā Latgolā. Muokslineica stuosta, ka, dūmojūt i vaicojūt sevī vierteibys, kurys jai ir vyssvareiguokuos, palykuse pi treju nadolamu – Ticeibys, Cereibys i Mīlesteibys. Par izstuodis vizualū volūdu pamatā izmontuota gleznīceiba, kas īsadorboj kūpā ar latgalīšu volūdys ritmu. Tam izvieleiti myusu dīnu latgalīšu literata, daugovpilīša Valentina Lukaševiča dzeja i vuordi nu juo sastuodeituos latgalīšu volūdys vuordineicys.

Dorbu serejā Mairitu Folkmani eipaši interesēja fakturys, kas veidojās vysaidu sluoņu – tymā skaitā skanis, viersmys, vysaidu materiala savīnuojumu rezultatā. Prīcojūtīs par linejom i kruosom, muokslineica centēs atbiļdēt iz vaicuojumu – kas jai ir svareigi, lai izdzeivuotu? Atbiļde, kū izadeve izdūmuot, ir – cereiba. Tradicionali izstuodis nūsaukumā ir īkļauts ari kaids mozuok dzierdāts vuords, itūreiz tei ir nūceja, kas latgaliski nūzeimoj cereiba.

Izstuodis nūsakuma daļa “13/14” atspūguļoj laiku, kurā topa itys “ceļuojums” – laiku, kod Daugovpilī beja apsaveramys Salvadora Dalī grafikys, kai ari nūgrīzni, kod radeiti itī dorbi.

Tikšonuos ar dorbu autori, muokslineicu Mairitu Folkmani i Valentina Lukaševiča dzejis prīšklasejumi nūtiks 14. februarī 18.00 stuņdēs LCB Periodikys laseitovā.

Ziņa sagataveita piec LCB informacejis.

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.
18:00 Izruode “Mazpiļsāta” @ Saulkrostu breivdobys estrade
Izruode “Mazpiļsāta” @ Saulkrostu breivdobys estrade
Jul 12 @ 18:00 – 20:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]