Aicynoj pīsadaleit skotuvis runys konkursā “Vuolyudzāni” i latgalīšu rokstu volūdys i kulturviesturis olimpiadē

Aicynoj pīsadaleit skotuvis runys konkursā “Vuolyudzāni” i latgalīšu rokstu volūdys i kulturviesturis olimpiadē

Ituo gods 26. aprelī Rēzeknis 1. vydsškolā jau 14. reizi nūtiks latgalīšu rokstu volūdys i kulturviesturis olimpiade i skotuvis runys konkurss “Vuolyudzāni”.

Vīns nu olimpiadis mierkim i aizdavumim ir školu jaunuotnis vydā veicynuot vītejūs kulturys vierteibu apzynuošonu i izcyluokūs nūvadnīku lobuoku pazeišonu. Olimpiadis daleibnīki ir vyspuorizgleitojūšūs školu 10.–12. klašu komandys 3–5 cylvāku sastuovā, taipat var pīsadaleit i studenti.

Jau ūtrū godu olimpiade ir atkluotuo vaļsts olimpiade (nūlykums ir īvītuots www.visc.gov.lv)

Skotuvis runys konkursā “Vuolyudzāni” itūgod nu vīnys školys pīsadola na vairuok par 3 školānim nu kotrys klašu grupys. Agruok tyka pījimti vysi pīsaceitī školāni, bet konkursam juopalīk kvalitativuokam. Skotuvis runys konkursu īsokom paprīšku organizēt školuos, piec tuo vierzeit lobuokūs runuotuojus iz nūvodu; nu vīnys školys pīsaceitajim dalinīkim navajadzātu jimt vīnaidus autoru dorbus, izalaseitūs tekstus vajag zynuot labi.

Pīlykumā pīduovojam īsapazeit ar skotuvis runys konkursa i  olimpiadis nūlykumim, olūtu i literaturys sarokstu, kuri izmontuoti olimpiadis aizdavumu sagataveišonā. Taipat pīduovojam īsapazeit ar paguojušuo goda aizdavumim i kulturtestu.

Ziņu sagataveja: LVLKŠA

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.
18:00 Izruode “Mazpiļsāta” @ Saulkrostu breivdobys estrade
Izruode “Mazpiļsāta” @ Saulkrostu breivdobys estrade
Jul 12 @ 18:00 – 20:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]