Vizualūs dorbu konkurss bārnim par Raiņa dzeju

Vizualūs dorbu konkurss bārnim par Raiņa dzeju

Atzeimejūt Raiņa dzejūļu kruojumu “Lellīte Lolīte”, “Puķu lodziņš” i “Vasaras princīši un princītes” 90. godadīnu, Raiņa muzejs “Jasmuiža” izsludynoj vizualūs dorbu konkursu “Puķu lodziņš”, kas dūmuots bārnim nu 5 leidz 11 godu vacumam.

Jau vairuokys paaudzis ir izaugušys ar sirsneigū Raiņa bārnu dzeju. Kotram nu myusim nūteikti ir kaids eipašs Raiņa dzejūļs, kū varam īsaceit ari cytim. Tyvojūtīs Raiņa 150 godu jubilejai, kū atzeimuosim 2015. godā, Raiņa muzejs grib aktualizēt Raiņa daiļradi i rūsynuot interesi par bārnu dzeju.

Konkursa aizdavums ir izveiduot ilustraceju breivi izvālātam Raiņa dzejūļam nu pīmynātajim kruojumim.

Ilustracejai juoatbylst itaidim nūsacejumim:

  • dorba tehnika piec dalinīka izvielis (zeimiejums, glezna, grafika);
  • dorba formats: A3 voi A4

Vīns autors konkursā pīsadola ar vīnu dorbu.

Konkursa organizatorim ir tīseibys konkursam īsnāgtūs dorbus izmontuot publikacejuos i izstuodēs. Dorbi palīk organizatoru reiceibā i atpakaļ autorim nateik izsnāgti. Ar konkursa nūlykumu var īsapazeit ite.

Dorbu īsnīgšonys termeņš ir 2014. goda 24. apreļs (posta štempeļs).

Dorbs ar nūruodi “Vizualūs dorbu konkursam “PUĶU LODZIŅŠ” īsnādzams, syutūt pa postu. Adrese: Raiņa muzejs „Jasmuiža”, Aizkalne, Preiļu novads, LV 5305

Informaceja uzziņai pa tālr. 29487589 (Solvita Brūvere) voi e-postu: jasmuiza@memorialiemuzeji.lv

 

Kalenders

Jul
11
Pīk
19:00 Izruode “Mazpiļsāta” @ Saldus Kolnsātys parks
Izruode “Mazpiļsāta” @ Saldus Kolnsātys parks
Jul 11 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]
Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.