Īspieja bolsuot par “Fedja. Teodors. Tulio” skaistuokū gruomotu konkursā

Īspieja bolsuot par “Fedja. Teodors. Tulio” skaistuokū gruomotu konkursā

Latvejis Gruomotizdevieju asociaceja aicynoj pīsadaleit publikys bolsuojumā gruomotu muokslys konkursā “Zelta ābele” i izavielēt skaistuokū paguojušajā godā Latvejā izdūtū gruomotu.

Dokumentalūs izdavumu kategorejā nomineita ari Kristīnis Želvis sastateituo gruomota “Fedja. Teodors. Tulio”. Vaira par gruomotu var skaiteit ite.

Bolsuojums nūtiks leidz 31. martam. Nu vīnys IP adresis dīnnakts laikā tiks pījimts tik vīns bolsuojums par vīnu nu nominantim.

Gruomotu muokslys konkurss “Zelta ābele” itūgod nūteik jau 21. godu, i tuo nūslāguma ceremoneja itūgod nūtiks 2. aprelī, kod tiks sadaleitys golvonuos bolvys.