Rēzeknē atkluota Osvalda Zvejsaļnīka jubileja izstuode

Rēzeknē atkluota Osvalda Zvejsaļnīka jubileja izstuode

Leidz 19. apreļam Latgolys Kulturviesturis muzejā (Atbreivuošonys alejā 102, Rēzeknē) apsaverama gleznuotuoja Osvalda Zvejsaļnīka jubileja izstuode “Terra Vitae”. Dzeive iz ituos zemis ir aizraujūši kruosaina i pīpiļdeita interesantim stuostiem, dažus nu tim var “puorskaiteit” muokslinīka gleznuos.

Ar gleznu izstuodi “Terra Vitae” gleznuotuojs Osvalds Zvejsaļnīks itūgod atzeimoj 70. dzeivis jubileju i īprīcynoj skateituojus ar kūšim i kruosu tūņūs suleigim dorbim, kas radeiti vosorys i rudiņa plenerūs.

Osvalds Zvejsaļnīks atkluoj: “Pādejā laikā puorsvorā gleznoju vosorys i rudiņa plenerūs, partū ka dorba kasdīnā moz laika. Sakraunu vysus gleznuošonys pīdarumus mašynā i – aizīt! Maņ eipaši interesej piļsātys kolorits, tei eipašuo aura celtnēs, nomūs, bazneicuos, kū godu symtūs radejuši i atstuojuši cylvāki. Vacī kuormi, kruosu apsyubiejumi, vaci prīškmati, detalis… Kod saulis gaismā īlu leikumi, nomu aprisis, Daugovys straumis teciejums it kai izkust, ari iz audakla suoc dominēt na objekts kai taids, bet kruosu attīceibys…”

Gleznuotuojs, Treju Zvaigžņu ordiņa kavalers, Rēzeknis Gūda pylsūņs, Latvejis Muokslys akademejis profesors, Rēzeknis Muokslys i dizaina vydsškolys direktors Osvalds Zvejsaļnīks vys aktivi i energiski īsasaista vysaiduos kulturys aktivitatēs, dūdūt byutisku ieguļdejumu muokslys izgleiteibys, Latgolys gleznīceibys i Latgolys kulturys atteisteibys jūmā.

Osvalds Zvejsaļnīks dzims 1944. goda 21. martā Varakļuonūs, beidzs Latvejis Muokslys akademeju, nu 1976. goda ir Latvejis Muokslinīku savīneibys bīdrs. Nu 1970. goda struodoj Rēzeknis lītiškuos muokslys vydsškolā, vāluok ir Rēzeknis muokslys koledžys direktors i Muokslys akademejis Rēzeknis filialis vadeituojs. Itūšaļt – Rēzeknis Muokslys i dizaina vydsškolys direktors, Latvejis Muokslys akademejis Latgolys filialis profesors.

Nu 1971. gada pīsadalejs vaira kai 60 nūvoda, vaļsts i starptautiskajuos muokslys izstuodēs, sareikuojs ap 20 personalizstuodem, regulari pīsadola starptautiskajūs plenerūs i grupu izstuodēs i Latvejā, i uovaļstīs.

Izstuodis dorba laiks:
ūtardīņ, trešdīņ, catūrtdīņ, pīktdīņ – 10:00 – 17:00,
sastdīņ – 10:00 – 16:00,
svātdīņ, pyrmūdīņ – slāgta.
Īejis moksa izstuodē: školānim, studentiem– 0.43€/ Ls 0.30, pīaugušajim– 0,71€ / Ls 0.50

Ziņa sagataveita piec Rēzeknis Kulturys i Turisma centra dūtuos informacejis
Karteņā: Osvalda Zvejsaļnīka glezna nu Latgolys Kulturviesturis muzeja kruojuma. A.Bondarenko foto.

Print Friendly, PDF & Email

Kalenders

Jun
23
Svā
17:00 Leigū Viļakā @ Viļakys breivdobys estrade
Leigū Viļakā @ Viļakys breivdobys estrade
Jun 23 @ 17:00 – 23:45
Leigū Viļakā @ Viļakys breivdobys estrade
19:00 Juoņa dīna @ "Silene Resort&SPA"
Juoņa dīna @ "Silene Resort&SPA"
Jun 23 @ 19:00 – 23:45
19.00 – 22.00 Grilbārs: aizkūdys, šašliks, duorzuoji pagataveiti iz grila bez īrūbežuojumu. 22.00 Zaļumballis koncerts kopā ar grupu Jurs Ostrovskis & Valērijs Mukāns 23.00 Leluo gunskura aizdegšona 24.00 Dūšonuos papardis zīdu mekliejumūs   Vokora gaitā[...]
19:00 Leigū Rēzeknē @ Festivala parks
Leigū Rēzeknē @ Festivala parks
Jun 23 @ 19:00 – 23:45
Leigū Rēzeknē @ Festivala parks