Pīduovojam nūsaklauseit dzīsmineicys Džeinys Gavaris jaunuokū dzīsmi “Munai tautai”.

Poša Džeina par dzīsmi soka, ka tei ir kai himna Latvejai latgalīšu volūdā. “Ar itū dzīsmi es grybu tai nu sirds runuot ar sovu tautu, lai tei ir kai lyugšona, kai mantra, kai kods, kas atteirej myusu dvieselis nu vysa nalobuo i ļīk saprast – kas mes asam, deļ kuo mes te asam. Nikas nav veļteigai, vysod koč kas palīk piec tevis i manis, tik tu i es varam izlemt, kas tys byus. Mes naasam vīni iz ituos zemeitis, mes naasam juos pavieļnīki, myusu aizdavums kai i myusu senčim ir – sasadorbuot ar dobu, navys plēst pādejū nu sovys zemis, naizruodūt nikaidu cīneibu pret tū. Dūmoju, ka vysi Dīva eņgeli tūmār sasauks myusu tautu pi sovys Zemeitis, i jei koč ar pādejim spākim tūmār pabaruos sovus bārnus.

Dzīsme ir cereigs redziejums iz tū, ka nuokūtnī mes spēsim saglobuot sovu sirsneibu i tykumeibu, caur vysu gaišū mes tūmār izīsim nu tymsys.”