Video: Kaidys asociacejis reidzinīkim raisa Latgolys cīmu nūsaukumi?
Škārsteikla projekta “Plumbuddy” mārgys Annija i Santa nūskaidruoja, voi reidzinīki pazeist Latgolys apleicīni – tuos cīmus, pogostu centrus.
Kai izaruodeja, reidzinīki nazyna sovys vaļsts geografeju i, dzieržūt dažaidūs apdzeivuotūs vītu nūsaukumus, pīmāram, Puša, Bički voi Šengeida, kai pyrmuos asociacejis miņ cytvolūdu vuordus, kas izaklausa leidzeigi. Tik 2 jaunīši zynuoja, ka pastuov taidys vītys.
Škārsteikla projekts “Plumbuddy” par Latgolys tematiku narunoj pyrmūreiz. Pavasara suokumā mārgys vaicuoja reidzinīkim, voi tī zyna kaidus latgalīšu volūdys vuordus.
