Rēzeknē aizvadeits LaLaDra

Rēzeknē aizvadeits LaLaDra

10. maja pīvokorā (tai ap pīcim) dzejis i prozys skaiteituoji i klauseituoji sasatyka Rēzeknē, bīdreibys “Artistence” telpuos, pasuocīnī ar nūsaukumu “LaLaDra” aba Latgalīts Latgalīšam Draugs.

Gaisteigajā vītā uzastuoja jau pazeistami literaturys autori, taipoš kai pavysam jauni – īprīkš naradzāti i naklauseiti skaiteituoji. Pasuocīni atkluoja Daiņs Adijans nūdzīžūt divejis pošsacarātys dzīsmis, piečuok ar sovys dzejis/prozys skaitejumim turpynuoja Meldra Gailāne, Ligeja Purinaša, Edgars Stepiņš i Raibīs Suņs. Klauseituoji tyka aicynuoti iz eipašu uzadreiskteišonu – pošim paraudzeit skaiteit dzeju nu myusu dīnu latgalīšu dzejis antologejis kruojuma “Susātīvs”, tys vysai raiti pasadeve drūsminīkam – Andrim Rusiņam, kurs nūskaiteja ryndys nu Ingridys Tāraudys dzejis.

Lasejumus nūslēdze Latgolys Studentu Centra Rēzeknis biroja aktiviste Kristīne Pokule ar dzīsmi par gaidamū laika prognozi.

Piec kotrys uzastuošonuos muokslinīkim nuocēs atbiļdēt iz na vysai vīnkuoršim vaicuojumim nu pasuocīņa vadeituoju pusis – tai mes izzynuom i tū, kod lobuok rokstuos dzeja, i tū, kaidus autorus skaita poši skaiteituoji, i tū, kurs lobuoks – tymsais voi gaišais.

Cīši lelu paļdis sokom restoranam “Rozālija,” kurs saryupēja uzkūdu goldu i Rēzeknis nūvoda pošvaļdeibai par mozom baļveņom pasuocīņa dalinīkim.

“LaLaDra” ir pasuocīņs ar kvalitatis zeimi, ka na skaitetuoju daudzumā, tod kvalitatē voi pasuocīņa atmosferā, gaideisim vēļ cytys itaida veida nūtikšonys.

LgSC Rēzeknis biroja aktivisti

Kalenders

Jun
19
Cat
06:45 Pasuokums “FIZISKAIS RŪBEŽS: kul...
Pasuokums “FIZISKAIS RŪBEŽS: kul...
Jun 19 @ 06:45 – 18:45
Pasuokums "FIZISKAIS RŪBEŽS: kulturys nūzeime i pīejameiba Latvejis austrumu regionā"
Latgolys muokslys i kulturys platforma MUD LAB aicynoj iz storpdisciplinaru pasuokumu FIZISKAIS RŪBEŽS, kas nūtiks Leivuonā ituo gods 19. junī, daudzfunkcionaluo jaunīšu iniciativu centra “Kvartāls” futbola laukumā i Leivuon dzeļžaceļa stacejā. Pasuokums, kurā pīsadaleis kai[...]
18:00 Seminars “Viesturis olūtu komple... @ Kruoslovys nūvoda muzejs
Seminars “Viesturis olūtu komple... @ Kruoslovys nūvoda muzejs
Jun 19 @ 18:00
Seminars "Viesturis olūtu kompleksuo izpiete: mutvuordu viesturis olūti i fotografejis" @ Kruoslovys nūvoda muzejs
19. junī 18.00 stuņdēs Kruoslovys nūvoda muzejā nūtiks seminars “Viesturis olūtu kompleksuo izpiete: mutvuordu viesturis olūti i fotografejis”.
18:30 Izruode “Melnais piens/2024” @ Jaunais Reigys teatris
Izruode “Melnais piens/2024” @ Jaunais Reigys teatris
Jun 19 @ 18:30 – 20:15
Paguojuši 15 godi, kai JRT roduos izruode “Melnais piens”. Itei izruode paruoda, ka teatram nav obligati vysod juobyut baļsteitam iz destrukceju i konfliktim. Tys var byut ari par harmoneju i skaistumu, koč i skumeigu. Vizuali[...]