Bolvūs nūtiks bārnu tautys deju festivals “Latvju bērni danci veda”

Bolvūs nūtiks bārnu tautys deju festivals “Latvju bērni danci veda”

Latvju bērni danci veda_afiša31. majā Bolvūs nūtiks bārnu tautys deju festivals “Latvju bērni danci veda”. Izgleiteibys i zynuotnis ministrejis Vaļsts izgleiteibys satura centrs jau ostoņpadsmytū reizi reikoj itū festivalu, kurs nu nalelu koncertu Reigā izaudzs par vierīneigu pasuokumu Latvejis nūvodūs, kurā pulcējušīs vairuoki tyukstūši doncojūšu bārnu.

Itūgod doncuotuoji sabrauks nu 13 Latvejis nūvodu i diveju piļsātu. Pasuokumā kūpumā pīsadaleis vaira nakai 2000 dalinīku, tymā skaitā gondreiž 100 deju kolektivi, 2 pyutieju orkestri, deju studeju i sporta deju kolektivi, kolektivu vadeituoji i cyti.

Festivals tiks atkluots 31. majā 13.00 laukumā pi Bolvu Kulturys i atpyutys centra ar pasuokumu “Saule danci ritināja pašā Balvu vidiņā”.

15.00 suoksīs izbraukuma koncerti:

  • Pi Kubulu pogosta Kulturys noma. Doncoj Guļbinis i Babeitis nūvodu bārnu tautys deju kolektivi.
  • Bārzkaļnis pogosta estradē. Doncoj Rēzeknis, Valmīrys piļsātu bārnu tautys deju kolektivi
  • Bolvu pansionatā. Doncoj Baldūnis i Muolpiļs nūvodu bārnu tautys deju kolektivi

17.30 Svātku guojīņs. Maršruts: Bierzpiļs-Teatra-Partizanu-Breiveibys ūļneica.

18.00 Bolvu piļsātys parka estradē lelkoncerts “Balvu Vilciņš dejot sauc!”.

Pasuokumu organizej Izgleiteibys i zynuotnis ministrejis Vaļsts izgleiteibys satura centrs, Bolvu nūvoda pošvaļdeiba i Bolvu nūvoda pošvaļdeibys Izgleiteibys, kulturys i sporta puorvaļde.

Ziņa sagataveita piec pasuokuma organizatoru dūtuos informacejis

Print Friendly, PDF & Email

Kalenders

Dec
9
Sai
11:00 Adventa skaitejumi @ Rēzeknis Centraluo biblioteka
Adventa skaitejumi @ Rēzeknis Centraluo biblioteka
Dec 9 @ 11:00 – 13:00
Iz tradicionalajim Adventa skaitejumim aicynuots sevkurs dzejis raksteituojs i cīneituojs, kurs, īsaklausūt dzejis ailēs, grib rast pyrma svātku mīru i jutūni. Pasuokuma gosti – literatu kūpa “Latgales ūdensroze”.
13:00 Siedeibys Izvoltā @ Izvolta biblioteka
Siedeibys Izvoltā @ Izvolta biblioteka
Dec 9 @ 13:00 – 15:00
Siedeibys Izvoltā @ Izvolta biblioteka
16:00 Koncertizvadums “Ar Latgali dzie... @ Bolūžu kulturys noms
Koncertizvadums “Ar Latgali dzie... @ Bolūžu kulturys noms
Dec 9 @ 16:00 – 18:00
Latgolā dzymušuos dzīsmēs i sirsneibā Latgolai veļteituos melodejuos vokalā duetā apsavīnuojuši solisti Dainis Skutelis i Andris Baltacis. Obeji dzymuši, auguši i vys vēļ dzeivoj i struodoj Latgolā, i kurs gon vēļ lobuok var viesteit latgaliskū,[...]