Nu 13. leidz 15. juņam Reigā ūtrū reizi nūtiks Nūvodu dīnys, kur byus īspieja īpazeit i izbaudeit Latvejis nūvodu daudzveideibu. Pasuokumā pīsadaleis folklorys kūpys, etnografiskī ansambli, lauku kapelys, omotnīki i tautys lītiškuos muokslys meistari nu vysu Latvejis nūvodu. 

13. junī 18.00 vysi teik aicynuoti iz Ziņģu vokoru Esplanadē, kur kūpā ar Iergļu, Jākubpiļs, Līpuojis, Saļņovys, Siguldys, Smārdis, Svitenis i Valkys dzīduotuojim i muzykantim tiks izdzīduotys skaistuokuos Latgolys, Kūrzemis, Vydzemis i Zemgalis ziņgis.

14. i 15. jūnī Nūvodu dīnu pasuokumi nūtiks Latvejis Etnografiskajā breivdobys muzejā.

Obejis dīnys no 12.00 leidz 16.00 muzeja sātuos skanēs Latvejis nūvodu dzīsmis, sovys prasmis demonstrēs vysaidu omotu meistari i byus īspiejams nūgaršuot kotra nūvoda gorduokūs iedīņus.

Pyrmū reizi Nūvodu dīnuos nūtiks Vosorys dzīduošonys svātki aba dzīduošonys konkursi, kurūs lobuokī dzīduotuoji sasaceņss, kab nūskaidruotu, kurs ir skaneiguokuo rūtuotuoja i gavilātuoja, skaistuokuos leigūtnis voi brašuokuos dorba dzīsmis dzīduotuoja titula cīneigs.

Pīsadaleit dzīduošonys konkursā “Dziedi Latvijai!” teik aicynuots sevkurs, kurs gryb nūdzīduot sovu meiluokū tautysdzīsmi. Dasasaceit konkursam var leidz 6. juņam aizpyldūt elektronisku anketu.

Nūvodu dīnu 2014 programa

13. juņs Esplanadē

18.00 Ziņģu vokors ar sasadzīduošonu

14. juņs Breivdobys muzejā

12.00-16.00 Nūvodu programys Kūrzemis, Latgolys, Vydzemis i Zemgalis sātuos

12.00 Rūtaļu reits ar “Rotaļnieku” i “Tarkšķiem” pi Prīdis krūga

12.00 Rūtuošona muzeja pakolnūs

13.00 Tautysdzīšmu konkurss “Dziedi Latvijai!”

14.00 Dorba dzīsmis Zemgalis sātā

15.00 Vīna dzīduotuoja dzīduotys dzīsmis Vydzemis sātā

16.00 Pasuokuma “Satiec savu meistaru” nūslāgums Rītumu estradē

17.00 Kuozu dzīsmis i apdzīduošona

15. juņs Breivdobys muzejā

11.00 Goreiguos dzīsmis Usmys bazneicā dzīd Brīžucīma i Suitu sīvys

12.00 – 15.00 Nūvodu programys Kūrzemis, Latgolys, Vydzemis i Zemgalis sātuos

13.30 Zuoļu spāka dzīsmis Zemgalis sātā

14.00 Juoņu īleiguošona Vydzemis sātā

16.00 Nūslāguma koncerts “Dižais Līgo” pi Vydzemis pyuneitis

Nūvodu dīnys reikoj Latvejis Nacionalais kulturys centrs sadarbeibā ar Latvejis Etnografiskū breivdobys muzeju i Latvejis Folklorys bīdreibu.