Ludzā nūtiks Lelais Latgaļu tiergs

Ludzā nūtiks Lelais Latgaļu tiergs

21. junī 12.00 jau sastū godu piec kuortys Ludzys piļskolnu pīskandynuos Lelais Latgaļu tiergs. 

Tiergā sātys ražuotuoji pīduovuos sovus ražuojumus – duovonys i gordumus leiguošonai, saiminīki bārnus izvyzynuos ar zirdzenim, ļaus samīļuot trušus i bolūžus.

Latgolys i puornūvodu omotu meistari pīduovuos sovus darynuojumus i orūda nūslāpumu izzynuošonu- itūreiz vaira par latgalīšu tradicionalajim i etnografiskajim tautys tārpim, gosti nu Dīnvydigaunejis īpazeistynuos ar sova nūvoda tautys tārpu darynuošonys tradiceju

Vidis darbneicuos pīduovuos izzynuot vēļ kū nazynamu par senejim orūdim i dzeivis  tradicejom, kara muokslu i tārpim.

Dobys škola i Piertnīku škola vuiceis i ruodeis vysu, kū var izmontuot nu dobys i senču ritualim sovai veseleibai i lobsajiutai. Zuoļu dīnai pīstuovēs ari vainagu darbneicys.

Sirdi prīcynuos Ludzys nūvoda dzīšmu i deju kolektivi, kai ari gosti nu sābru nūvodu i Igaunejis Rokkes pogosta.

21.00- tiks svieteits Saulgrīžu rituals i piec tam nūtiks bals kūpā ar Treis veirim laivā.

Print Friendly, PDF & Email

Nūtikšonu kalendars

May
17
Ūtr
15:00 Maja dzīduojumi pi krysta @ Ūzulainis krysts
Maja dzīduojumi pi krysta @ Ūzulainis krysts
May 17 @ 15:00 – 16:00
Maja dzīduojumi Dīvmuotis gūdam kūpā ar Ūzulainis Tautys noma folklorys kūpu “Zeiļa”.
16:00 Maja dzīduojumi pi krysta @ Pleikšņu krysts
Maja dzīduojumi pi krysta @ Pleikšņu krysts
May 17 @ 16:00 – 17:00
Maja dzīduojumi Dīvmuotis gūdam kūpā ar Ūzulainis Tautys noma folklorys kūpu “Zeiļa”.
May
18
Tre
15:00 Lienītis Slišānis izstuodis “Uzd... @ Latvejis Nacionaluo teatra Jaunuo zale
Lienītis Slišānis izstuodis “Uzd... @ Latvejis Nacionaluo teatra Jaunuo zale
May 18 @ 15:00 – 16:30
Nu 10. maja Latvejis Nacionaluo teatra Jaunajā zalē apsaverama Lienītis Slišānis izstuode “Uzdevums”. Izstuodi īspiejams apmeklēt stuņdi pyrma izruožu suokuma i izruožu laikā. Lienīte Slišāne ir gaismu muokslineica i 2020. goda beiguos sajēme “Spēlmaņu nakts”[...]