Leigū svātki – goda eisuokuo nakts, kurā teik cyldynuota doba i augleiba. Naiztryukstūši ir gunkuri, ols i sīrs, puču vaiņuki i dzīduošona. Daugovpiļs nūvoda pošvaļdeibys agentura “Taka” aicynoj sagaideit Juoņu reitu Daugovpiļs nūvodā Višku estradē.

Leigū nakts svinietuoji Višku estradē tiks gaideiti jau nu 18.00, lai kūpā nūdegustietu Daugovpiļs nūvoda lobuokūs ols dareituoju sātys olu i lobuokūs sīra siejieju sātys sīru i kūpā pīsadaleitu vysaiduos spēlēs i atrakcejuos vysai saimei, pīsadaleitu Ginesa rekorda topšanā “Lielā musturdeķa veidošana”, kai ari byus daudz cytu puorsteigumu.

Leigū svātku burveigumu nūdrūšynuos “Ginc un Es”, “Patrioti LG”, “Dricānu dominante”, TDA “Līksme” koncertā “No ezera saule lēca”.

Sovukuort ļusteigā Juoņu nakts zaļumbalā leidz reita gaismai svinietuojus prīcynuos grupa “Migla”. Tiks īdagts vosorys saulgrīžu gunkurs i sevkurs varēs tymā nūsavērt nu putyna liduojuma ar deltaplanu.