Rēzeknē nūtiks “Streetgames”

Rēzeknē nūtiks “Streetgames”

21. junī  12.00 Rēzeknis sporta centra teritorejā, 18. novembra īlā  39, jau trešū godu piec kuortys nūtiks īlu kulturys i sporta pasuokums “Streetgames”, kurs itūgod byus vēļ vierīneiguoks, partū ka paraleli īlu baskebola turniram nūtiks ari turnirs īlu futbolā (3×3) i īlu florbolā (3×3). Itūgod “Streetgames” dorbojās ari kai “Ghetto Games” Rēzeknis aliaņse, kas nūzeimoj, ka vysi rezultati tiks īkļauti “Ghetto Games” kūpejā rangā i lobuokuos aliaņsis komandys kotrā sporta veidā pīsadaleis ari “Ghetto Games” nūslāguma pasuokumā 30. augustā Krostmolā, Reigā.

Īlu basketbola turnirs nūtiks vairuokuos vacuma grupuos:

  • Vacuokuo grupa – 1997. godā dzymušī i vacuoki spālātuoji
  • Jaunuokuo grupa – 1998. godā dzymušī i jaunuoki spālātuoji
  • Sīvītis – 1997. godā dzymušuos i vacuokys sīvītis
  • U16 mārgys –1998. godā dzymušuos i jaunuokys mārgys
  • U14 puiši – 2000. godā dzymušī i jaunuoki puiši
  • U14 mārgys – 2000. godā dzymušuos i jaunuokys mārgys
  • U12 puiši – 2002. godā dzymušī i jaunuoki puiši
  • U12 mārgys – 2002. godā dzymušuos i jaunuokys mārgys

Īlu futbola turnirs nūtiks itaiduos vacuma grupuos:

  • Vacuokuo grupa – 1997. godā dzymušī i vacuoki spālātuoji
  • Jaunuokuo grupa – 1998. godā dzymušī i jaunuoki spālātuoji

Īlu florbola turnirs nūtiks itaiduos vacuma grupuos:

  • Vacuokuo grupa – 1997. godā dzymušī i vacuoki spālātuoji
  • Jaunuokuo grupa – 1998. godā dzymušī i jaunuoki spālātuoji

Īlu florbola i īlu futbola turnirūs maksimalais komandu skaits ir 32 (kotrā sporta veidā).

Lai pīsadaleitu saceņseibuos, vajadzeigs nūformēt 2014. goda “Ghetto Games” sezonys licenci. Tū īspiejams izdareit pyrms turnira suokuma, paruodūt personys aplīcynūšu dokumentu ar karteņu. Licencis cena 1,50 eiro. Daleibys moksa vacuokajā grupā (1997.g.dz. i vacuoki) 3 EUR, jaunuokajā (1998.g.dz. i jaunuoki) 1,50 EUR.

Komandu registraceja saceņseibu dīnā nu 11.00, spēļu suokums 12.00.

streetGames

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]