Latgolā gasteis raidejums “LNT brokastis”

Latgolā gasteis raidejums “LNT brokastis”

30. junī “LNT brokastu” žurnalisti Oskars Lepers, Rūta Čivča, Agnese Šīrante i Ieva Čakste dūsīs kūpeigā ceļuojumā iz Latgolu. Gondreiž nedelis garumā žurnalisti izbaudeis vaļsts austrumdalis breineiguos dobys skaistumu, īdzeivuotuoju sirsneibu i vīsmīleibu, kai ari izzynuos daudzveideiguos atpyutys īspiejis Latgolā. Ceļuojuma laikā nūgiutuos sajiutys i pīdzeivuojumi byus radzami jau 5. i 6. julī “LNT brokastīs” 9:00 kanalā LNT!

Tik tyvu Latgolys dobai, tik tyvu vosorai “LNT brokastu” žurnalisti kūpā vēļ nabyus bejuši. Žurnalisti baudeis vosoru i dzeivuos nūmaļā vītā mežu īlūkā, Rāznys dobys parka pīrūbežā. Nedelis garumā tiks izbaudeits kruošņuos Latgolys dobys skaistums, gasteits lauku sātuos, īpazeits turisma pīduovuojums, iz sovys uodys izbaudeitys vysaidys tautys metodis skaistumkūpšonā. Taipat žurnalistim ir padūmā izaicynuot cytam cytu vysaidūs puorbaudejumūs. Tys byus pīdzeivuojums na tik pošai “LNT brokastu” komandai, bet ari vysim Latvejis skateituojim.

Žurnaliste R. Čivča atkluoj: “Muna pavuorde jau soka prīškā, ka munys saknis vaicuojamys Latgolā. Par latgalīti vys sevi nasauktu, nu Latgolā ir byuts i lauku šarms baudeits. Koč i naasmu princese iz zierņa, juosoka, ka nedeļa laukūs maņ byus eists puorbaudejums. Lela prīca par tū, ka tī vysod ir par puors grādu syltuoks!”

Rēzeknis pusis eipašū šarmu žurnalistim paleidzēs atkluot ari vysaidi muokslinīki, kuru dzymtu saknis stīpās Latgolā. Šova “Koru kari 3” Rēzeknis zaļuo pakolnu kora vadeituojs i “Galaktikys” solists Normunds Zušs, grupys “Baltie lāči” solists Andris Baltacis, kai ari grupys “Bez PVN” puiši paruodeis natvarama skaistuma pylnys vītys.

Pīdzeivuotū Latgolā varēs redzēt jau 5. i 6. julī raidejumā “LNT brokastis” 9:00 kanalā LNT!

Karteņa: publicitatis karteņa.

Print Friendly, PDF & Email

Nūtikšonu kalendars

Sep
26
Pyr
17:00 LTG i ES. Dzeivuos sarunys. Eiro... @ Latgolys Centraluo biblioteka
LTG i ES. Dzeivuos sarunys. Eiro... @ Latgolys Centraluo biblioteka
Sep 26 @ 17:00 – 20:00
Pyrmūdiņ, 26. septembrī, “Europe Direct Dienvidlatgale” centrs, bīdreiba “LgSC” i Eiropys Savīneibys informacejis punkts Daugovpilī aicynoj iz Eiropys Volūdu dīnai veļteitu nūtykumu “LTG i ES. Dzeivuos sarunys” Daugovpilī, Latgolys Centralajā bibliotekā. Pasuocīņa laikā dzeivuos bibliotekys[...]
Sep
27
Ūtr
19:00 Latgalīšu rokstu volūdys nūdarbeiba @ tīšsaistē
Latgalīšu rokstu volūdys nūdarbeiba @ tīšsaistē
Sep 27 @ 19:00 – 20:30
Bīdreiba “LgSC” sadarbeibā ar latgalīšu kulturys ziņu portalu lakuga.lv aicynoj iz ostoņom latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus. Latgalīšu rokstu volūdys[...]
Oct
1
Sai
vysu dīnu Izstuode “Jura Gaigala akvareļi” @ Latgolys Kulturviesturis muzejs
Izstuode “Jura Gaigala akvareļi” @ Latgolys Kulturviesturis muzejs
Oct 1 vysu dīnu
Nu 21. septembra da 1. oktobra Latgolys Kulturviesturis muzejā apsaverama izstuode “Jura Gaigala akvareļi”. Ceļojūšuo izstuode veļteita gruomotys “Jura Gaigala varavīksne” izīšonys svātkim. Tiks izstuodeitys muokslinīka akvareļgleznys nu meitys Dacis Gaigalys kolekcejis.