Rēzeknē nūtiks Latgolys senioru deju kūpu festivals

Rēzeknē nūtiks Latgolys senioru deju kūpu festivals

13. julī Rēzeknē nūtiks Latgolys senioru deju kūpu festivals “Ai, Latgale, Tu dvēselīte mana”, kas puļcēs kūpā na tik Latgolys, nu ari Vydzemis i Kūrzemis 17 senioru deju kolektivus nu Rēzeknis, Ilūkstis, Ruguoju, Dagdys, Vuorkovys, Daugovpiļs, Ludzys, Leivuona, Kruoslovys, Guļbinis, Jākubpiļs, Rundālis, Beverīnys, Jelgovys i Alojis piļsātom i nūvodim.

Latgolys senioru deju kūpu festivals Rēzeknē suoksīs 15.30 ar svātku šaļti pi pīminekļa “Vīnuoti Latvejai” Atbreivuošonys alejā, piečuok sekuos dalinīku guojīņs i 16.00 lelkoncerts Festivala parkā (Piļs ūļneicā 7). Koncertā seniori izdoncuos i latvīšu, i ari cytu Eiropys vaļstu vysaidu tautu, tamā storpā krīvu, igauņu, sūmu, bulgaru, spāņu, vuocu, beļgu, austrīšu, čehu, holandīšu, pūļu i izraelīšu senioru žanra dejis.

Festivala golvonuo organizatore – Rēzeknis senioru deju kolektiva “Zelta atvasara” vadeituoja Olga Deksne atzeist, ka deja ir juos sirdslīta, i ir prīca vāruot, kai deja dzīdynoj senioru dvēselis nu skumem voi paleidz puordzeivuot vīntuleibys šaļts. Drupeit žāļ, ka senioru deju kolektivūs puorsvorā doncoj tik sīvītis, tok itūgod skateituojim byus vareiba skateit ari veiru brašū sūli, kuri kuplynoj Guļbinis nūvoda deju kūpu un, doncojūt puorūs, aplīcynoj i sovu mīlesteibu pret sīvīti, i deju.

Festivala koncertu kuplynuos ari pyušamūs instrumentu orkestris “Rēzekne” (vad. Sergejs Sergejevs i Juoņs Pavlovskis) i rēzeknīšu īmīļuotais duets Inga i Normunds.

PROGRAMA:
LATGOLYS SENIORU DEJU KŪPU FESTIVALS “Ai, Latgale, Tu dvēselīte mana”
Svātdiņ, 13. julī
15.30 FESTIVALA ATKLUOŠONA pi pīminekļa “Vīnuoti Latvejai”
16.00 FESTIVALA LELKONCERTS, Festivala parkā, Piļs ūļneicā 7
Īīšona – breiva

Koncertā pīsadola:
“Rudzupuķes” – Ilūkstis nūv. Bebrenis pog. (vad. Ilona Jegorova)
“Tonuss” – Ruguoju nūv. Lozdukolna pog. (vad. Lūcija Jermacāne)
“Veldzītes” – Dagdys nūv. Ondrupinis pog. (vad. Gunta Streļča)
“Dzīves virpulī” – Vuorkovys nūv. Rūžkolni (vad. Larija Lazdāne)
“Magones” – Daugovpiļs nūv. Višku pog. (vad. Marija Šaršūne)
“Magnolijas” – Rundālis nūv. Piļsrundāle (vad. Aiga Vangale)
“Priecīgās vecmāmiņas” – Ludzys nūv. (vad. Aija Andersone)
“Sapnis” – Beverīnys nūv. Trikātys pog. (vad. Liāna Ozoliņa)
“Virši zied” – Jelgovys nūv. Sesovys pog. (vad. Aiga Vangale)
“Liepas”– Alojis nūv. Braslovys pog. (vad. Liāna Ozoliņa)
“Mežrozītes” – Kruoslovys nūv. (vad. Aloida Andžāne)
“Smaids” – Daugovpiļs nūv. Naujenis pog. (vad. Dmitrijs Morderers)
“Reveranss” – Guļbinis nūv. (vad. Edīte Ķikuste)
“Zelta atvasara” – Rēzekne (vad. Olga Deksne)
“Ezeriņi” – Dagdys nūv. (vad. Lidija Kartenko)
“Daugavietes” – Jākubpiļs (vad. Maija Vilka)
“Rūžeņa” – Leivuona nūv. (vad. Anita Vucina)

Pyušamūs instrumentu orkestris “Rēzekne” (vad. Sergejs Sergejevs i Juoņs Pavlovskis)
Solisti i koncerta vadeituoji Inga un Normunds

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]