Leidz 3. augustam Latgolys Kulturviesturis muzejā (Atbreivuošonys alejā 102, Rēzeknē) apsaverama muokslinīka Pītera Džigura 70. dzeivis jubilejai veļteituo gleznu i grafikys dorbu izstuode “Sirds dziesma lai skan!”

Atzeimojūt sovu 70. dzeivis jubileju, muokslinīks Pīters Džigurs sareikuojs ceļojūšū personalizstuodi, kas prīcynuojuse skateituojus Leivuonā, Preiļūs, Ludzā i niu apsaverama Rēzeknē, augustā tei ceļuos iz Modyuni i septembrī iz Bolvim, kur paradzāts izstuodis ceļuošonys tūris nūslāgums ar autora pīsadaleišonu.

Pītera Džigura muoksla ir juo dvēselis dzīsme, kū muokslinīks ļaun sadzierdēt sevkuram caur sovim grafikys dorbim. Smolki konstruktivuos kompozicejis izaug nu autora dūmys dziļumu, kuortojās i centriski, i asimetriski, ītverūt myužeibys i pasauļa simbolus, atspūguļojūt cylvāka sapynus, suopis i prīcu radeišonā i mīlesteibā.

Par muokslys byuteibu Pīters Džigurs soka tai: “Muoksla ir dvēselis šaļts arhitektura…”

Īīšonys moksa izstuodē:
školānim, studentim– 0,50 €/ Ls 0.35, pīaugušajim– 0,80 € / Ls 0.56

Vosorys sezonā izstuode atvārta:
Trešdiņ 11:00 – 19:00
Catūrtdiņ 11:00 – 18:00
Pīktdiņ 11:00 – 19:00
Sastdiņ 10:00 – 16:00
Svātdiņ 10:00 – 15:00
Pyrmūdiņ, ūtardiņ – slāgta