Izsludynuots fotokonkurss “Latgolys bibliotekars – rodūšuma olūts”

Izsludynuots fotokonkurss “Latgolys bibliotekars – rodūšuma olūts”

Latgolys Centraluo biblioteka organizej fotokonkursu “Latgolys bibliotekars – rodūšuma olūts”, lai izveiduotu ceļojūšu izstuodi, kas atraktivuos i interesantuos karteņuos atkluotu vysaidu paaudžu Latgolys nūvodu bibliotekaru kasdīnu. Ceļojūšuos fotoizstuodis atkluošona nūtiks Latgolys regiona publiskūs biblioteku darbinīku konfereņcē “Pi gaismys olūta veļdzētīs nuoc…” 18. septembrī Daugovpilī.

Konkursā var pīsadaleit sevkurs, kurs fotografej, fiziska voi juridiska persona. Kartenis elektroniskā formatā ar nūruodi fotokonkursam “Latgales bibliotekārs – radošuma avots” Latgolys regiona golvanajuos bibliotekuos īsnādzamys leidz 10. augustam.

Dorbi īsnādzami:

Latgolys Centralajā bibliotekā, e-posts: sergejs.tarleckis@lcb.lv;

Daugovpiļs nūvodā, e-posts: helenafirsova@inbox.lv;

Preiļu Golvonajā bibliotekā, e-posts: ilona.skorodihina@preilubiblioteka.lv;

Rēzeknis centralajā bibliotekā, e-posts: anna_romanovska@inbox.lv;

Ludzys golvonajā bibliotekā, e-posts: elita@ludzasbiblio.lv;

Leivuona centralajā bibliotekā, e-posts: laima.kozure@livanub.lv;

Bolvu centralajā bibliotekā, e-posts: biblioteka@balvurcb.lv;

Kruoslovys nūvoda centralajā bibliotekā, e-posts: kraslbibl@apollo.lv;

Leidz 15. augustam golvonuos bibliotekys sova regiona lobuokūs fotodarbus īsyuteis Latgolys Centralajai bibliotekai, tur tūs viertēs komiseja, kurys sastuovā byus fotomuokslys eksperti.

Konkursam īsnādzamajom karteņom juoatkluoj bibliotekara tāls vysaiduos izpausmēs – dorbā, atpyutā, svātkūs, dobā… Kotrai karteņai juonūruoda nūsaukums, autors i 2 – 3 teikumus gars aproksts latvīšu volūdā, kas dūd informaceju par karteņā attāluotū. Aicynojam pīvērst viereibu dorbu kvalitatei i originalitatei! Ar grafiskuo dizaina programom modificieti attāli nateik pījimti, pīļaunamuo apstruode – gaišums, kontrasti i t.t. Molu attīceibai juobyut 2:3. Konkursā dreikst pīsadaleit tik ar īprīkš napublicātim dorbim.

Lobuokuos kartenis tiks īkļautys ceļojūšajā fotoizstuodē “Latgolys bibliotekars – rodūšuma olūts”, kas tiks izstuodeita na tik Daugovpilī, nu ari Rēzeknē, Preiļūs i cytur. Lobuokūs dorbu autori tiks atzeimuoti 18. septembrī izstuodis atkluošonys pasuokumā.

Konkursa nūlykumu var apsavērt www.rezeknesbiblioteka.lv. Ka ir vaicuojumi, zvonit iz Latgolys Centralū biblioteku pa telefonu 65476341 (kontaktpersona – Dzidra Stupāne).

Kartenis autore: Anna Romanovska

Kalenders

Jun
16
Pyr
17:00 Seminars “Mutvuordu viesturis ol... @ Kruoslovys nūvoda muzejs
Seminars “Mutvuordu viesturis ol... @ Kruoslovys nūvoda muzejs
Jun 16 @ 17:00
Seminars "Mutvuordu viesturis olūtu izmontuošona 20. godu symta viesturis pietnīceibā" @ Kruoslovys nūvoda muzejs
Viesturnīki, muzeju darbinīki, 16. junī 17.00 stuņdēs bibliotekari nūvodpietnīki i cyti interesenti aicynuoti iz seminaru “Mutvuordu viesturis olūtu izmontuošona 20. godu symta viesturis pietnīceibā” Kruoslovys nūvoda muzejā.
Jun
19
Cat
06:45 Pasuokums “FIZISKAIS RŪBEŽS: kul...
Pasuokums “FIZISKAIS RŪBEŽS: kul...
Jun 19 @ 06:45 – 18:45
Pasuokums "FIZISKAIS RŪBEŽS: kulturys nūzeime i pīejameiba Latvejis austrumu regionā"
Latgolys muokslys i kulturys platforma MUD LAB aicynoj iz storpdisciplinaru pasuokumu FIZISKAIS RŪBEŽS, kas nūtiks Leivuonā ituo gods 19. junī, daudzfunkcionaluo jaunīšu iniciativu centra “Kvartāls” futbola laukumā i Leivuon dzeļžaceļa stacejā. Pasuokums, kurā pīsadaleis kai[...]
18:00 Seminars “Viesturis olūtu komple... @ Kruoslovys nūvoda muzejs
Seminars “Viesturis olūtu komple... @ Kruoslovys nūvoda muzejs
Jun 19 @ 18:00
Seminars "Viesturis olūtu kompleksuo izpiete: mutvuordu viesturis olūti i fotografejis" @ Kruoslovys nūvoda muzejs
19. junī 18.00 stuņdēs Kruoslovys nūvoda muzejā nūtiks seminars “Viesturis olūtu kompleksuo izpiete: mutvuordu viesturis olūti i fotografejis”.
18:30 Izruode “Melnais piens/2024” @ Jaunais Reigys teatris
Izruode “Melnais piens/2024” @ Jaunais Reigys teatris
Jun 19 @ 18:30 – 20:15
Paguojuši 15 godi, kai JRT roduos izruode “Melnais piens”. Itei izruode paruoda, ka teatram nav obligati vysod juobyut baļsteitam iz destrukceju i konfliktim. Tys var byut ari par harmoneju i skaistumu, koč i skumeigu. Vizuali[...]