Šlāgeraptaujā uzvar grupa “Ginc un Es”
5. julī Ventspilī nūtyka tradicionalais Latvejis Televizejis raidejuma “Latvejis Šlāgeraptauja” finals, kurā pīsadaleja ari vairuoki muziki nu Latgolys. Ari par uzvarātuojim tyka atzeiti taišni latgalīši – grupa “Ginc un Es” ar dzīsmi “Es tevi mīlu”.
Goda finalā pīsadaleja 12 dzīsmis, nu kurom taišni puse – sešys – izpiļdeja grupys voi dzīduotuoji nu Latgolys. Divejis nu tom beja latgalīšu volūdā. Aptaujā pīsadaleja grupa “Ginc un Es” ar dzīsmi “Es tevi mīlu”, Daiņs Skuteļs i “Bel Canto” ar dzīsmi “Bryunaceite”, “Dricānu Dominante” dzīduoja “Tikai negribi visu”, Tihovsku saime – “Olūteņam”, grupa “Boltī luoči” izpiļdeja dzīsmi “Zemes vējš”, bet kapela “Jūlijs” – “Nodzisa vakara blāzma”.
Par lobuokū ituo gods dzīsmi skateituoji sovā bolsuojumā atzyna grupys “Ginc un Es” kompoziceju “Es tevi mīlu”, par kuru sovus bolsus atdeve 3224 cylvāki.
