Ruguoju nūvoda svātki 2014

Ruguoju nūvoda svātki 2014

Tradicionali piec kotru 2 godu julī Ruguoju nūvoda pošdarbnīki, sportisti, omotnīki i sātys ražuotuoji, kai ari cyti aktivisti vīnojās kūpeigūs svātkūs – itymā korstajā vosorys mienesī tiks svieteiti Ruguoju nūvoda svātki 2014 “Saiminīks lyudze saimineicu”. Nūvoda svātkūs īkļauta daudzveideiga pasuokumu i aktivitašu programa, kas paradzāta i bārnim, i pīaugušajim.

Svātkus īskandynuos jau 24. i 25. julī ar pasuokumu Lozdukolna saītu nomā i Baļtinovys teatra izruodi “Myužeigais ženiks” nūvoda parka estradē.

Svātku kulminacejis dīnā- 26. julī – zyvu giušonys entuziasti teik aicynuoti nūgiut sovu lelū lūmu Zyvu giušonys saceņseibuos Ruguoju azarā; interesentim byus vareiba tierguotīs i īsapierkt poštaiseitu montu tierdzeņā Ruguoju parkā; osuoku izjiutu cīneituoji kluotīnē vāruos Austrumlatvejis medinīku saušonys saceņseibys Ruguoju šautuvē, kur sovus truopeigūs suovīņus mierkī raideis medinīki nu tyvuokys i tuoluokys apleicīnis. Pasuokuma ītvorūs nūtiks vysaidys saceņseibys – zyrga aizjiuga jiugšona, noglu dzeišona blučā, pīna konnu nesšona, lobuokuo sīna vuola pļuovieja ar rūkys izkapti nūsaceišona. Sportiskuoku izklaižu cīneituoji sovys prasmis varēs izmontuot Orientiešonuos saceņseibuos Ruguoju cīmā, basketbolā Ruguoju stadionā. Svātku laikā interesenti varēs izmontuot vareibu vyzynuotīs zirga aizjiugā.

Svātku ītvorūs tiks nūskaidruots “Gorduokuo sīra siejieja” titula īgivieju, kai ari apbolvuots fotokonkursa “Ruguoju nūvoda cylvāks” uzvarietuoju. Tiks paziņuoti ari rezultati par konkursa “Ruguoju nūvoda sakūptuokuo sāta 2014” laureatim.

I naaizmierssim par tradicionalū svātku paruodis braucīni – “Lauksaimnīceibys tehnikys paruodis braucīņs”, kurā sevkurs paruodis dalinīks sovim braucamreikim daliks sorkonus akcentus!

Svātku guojīņs, pīpyušamuos atrakcejis, koncerts ar profesionalim muokslinīkim nu Nacionaluo teatra, ļusteigs zaļumbals – tys vyss i vēļ daudz kas cyts Jius sagaida Ruguoju nūvoda svātkūs!

Rugaju-novada-svetki-afisa

Print Friendly, PDF & Email

Nūtikšonu kalendars

Sep
29
Pīk
16:00 Rotko muzeja kruojuma izstuodis ... @ Daugovpiļs Marka Rotko muokslys centrs
Rotko muzeja kruojuma izstuodis ... @ Daugovpiļs Marka Rotko muokslys centrs
Sep 29 @ 16:00 – 17:00
Pīktdiņ, 29. septembrī, 16.00 stuņdēs Daugovpiļs Marka Rotko muokslys centrā, iz prīšku – Rotko muzejā, sūpluok muokslinīka Marka Rotko originalu ekspozicejai tiks atkluota kruojuma izstuode “Nr. 2 [Bez nosaukuma]”. Kruojuma izstuodei izvālāti muokslys dorbi, kas[...]
19:00 Aijis Rimšys pīminis koncerts “Z... @ Latgolys viestnīceiba "Gors"
Aijis Rimšys pīminis koncerts “Z... @ Latgolys viestnīceiba "Gors"
Sep 29 @ 19:00 – 21:00
Latgolys rūženis, dzīduotuojis i dzīšmu autoris Aijis Rimšys myusu vydā nav jau ostoņpadsmyt godu, tok juos dzīsmis dzeivoj i skaņ. Desmit muzykalajūs godūs – deveni dzīšmu albumi! Taids ir montuojums, kurū mums pamatuse Aija Rimša,[...]