Rēzeknē nūtiks Streetgames 2. pūsms i “Ghetto Dance” atlase

Rēzeknē nūtiks Streetgames 2. pūsms i “Ghetto Dance” atlase

1927920_785581791462265_8624779003317080315_n2.augustā 12.00 Rēzeknis Sporta puorvaļdis stadiona teritorejā i lelveikala “SELVER” stuovvītā nūtiks īlu kulturys i sporta pasuokuma Streetgames 2. pūsms. Pasuokums itūgod palics vēl vierīneiguoks, partū ka paraleli īlu basketbola turniram, nūtiks ari turnirs īlu futbolā (3 pret 3) i īlu florbolā (3 pret 3), kai ari Rēzeknis aktivuokī doncuotuoji varēs pīruodeit sevi “Ghetto Dance” atlasē.

Itūgod Streetgames dorbojās ari kai Ghetto Games Rēzeknis alianse, kas nūzeimoj, ka vysi rezultati tiks īkļauti Ghetto Games kūpejā rangā i lobuokajom pūsma komandom kotrā sporta veidā tiks apmoksuots ceļš i daleiba vīnā Reigys Ghetto Games pasuokumā Grīziņkolnā. Komandu sporta veidūs maksimalais cylvāku skaits vīnā komandā – 4. Īlu florbola i īlu futbola turnirūs maksimalais komandu skaits ir 32 (kotrā sporta veidā).

Īlu basketbola turnīrs (3 pret 3) itūreiz nūtiks lelveikala “SELVER” stuovvītā (Atbreivuošonys aleja 139), kur vacuokajā grupā paraleli rysynuosīs ari turnirs 1 pret 1. Īlu basketbola sacenseibys tiks sadaleitys vairuokuos vacuma grupuos:

  • Vacuokuo grupa – 1997. godā dzymušī i vacuoki spālātuoji;
  • Jaunuokuo grupa – 1998. godā dzymušī i jaunuoki spālātuoji;
  • Sīvītis – 1997. godā dzymušuos i vacuokys sīvītis;
  • U16 mārgys -1998. godā dzymušuos i jaunuokys mārgys;
  • U14 puiši – 2000. godā dzymušī i jaunuoki puiši;
  • U14 mārgys – 2000. godā dzymušuos i jaunuokys mārgys;
  • U12 puiši – 2002. godā dzymušī i jaunuoki puiši;
  • U12 mārgys – 2002. godā dzymušuos i jaunuokys mārgys.

Īlu futbola turnirs nūtiks iz mini-pitch futbola laukuma, RPD Sporta puorvaļdis stadiona teritorejā (18. novembra īla 39).  Vacuma grupys:

  • Vacuokuo grupa – 1997. godā dzymušī i vacuoki spālātuoji;
  • Jaunuokuo grupa – 1998. godā dzymušī i jaunuoki spālātuoji.

Īlu florbola turnirs ari nūtiks RPD Sporta puorvaļdis stadiona teritorejā. Vacuma grupys:

  • Vacuokuo grupa – 1997. godā dzymušī i vacuoki spālātuoji;
  • Jaunuokuo grupa – 1998. godā dzymušī i jaunuoki spālātuoji.

Kab pīsadaleitu sacenseibuos, vajadzeigs nūformēt 2014. goda Ghetto Games sezonys licenci. Tū īspiejams izdareit pyrms turnira suoku, paruodūt personu aplīcynūšu dokumentu ar karteņu. Licencis cena 1,50 EUR. Daleibys moksa vacuokajā grupā (1997.g.dz. i vacuoki) 3 EUR, jaunuokajā (1998.g.dz. i jaunuoki) bez moksys.

Komandu registraceja sacenseibu dīnā nu 11.00, spēļu suokums 12.00.

Streetgames 2. pūsms i “Ghetto Dance” atlase nūteik socialuo projekta “Es zinu, Tu to vari!” ītvorūs. Leluokuo daļa projekta “Es zinu, Tu to vari!” pasuokumu teik veļteiti jaunīšim, atseviški pasuokumi paradzāti ari saimem kūpā ar bārnim. Projekta mierkis ir īdvasmuot jaunīšus byut fiziski aktivim i veiduot izpratni, ka veseleigs i aktivs dzeivisveids i atsasaceišona nu vysaidu atkareibys vīlu lītuošonys paleidz sasnīgt nūspraustūs mierķus. Projekta ītvorūs nu juļa da augusta nūtiks vaira nakai 58 pasuokumi vysā Latvejā – īlu basketbola turniri, īlu vyngruošonys sacenseibys i cyti īlu kulturys pasuokumi, kai ari nūmetnis i saimu sporta dīnys.  Par vysom projekta aktivitatem var izzynuot portala draugiem.lv lopā www.draugiem.lv/tutovari. Aktivitatis veiduotys tai, kab tuos byutu vīnkuoršys i vīgli pīejamys sevkuram interesentam.

Veseleibys ministreja i Slimeibu profilaksis i kontrolis centrs atguodynoj – veseleibys saglobuošonys vysa myuža garumā pamatā ir cylvāka personeiguo atbiļdeiba. Uorstiešona i veseleibys apryupe cylvāka veseleibu ītekmej apmāram par 20%. Atlykušī 80% ir kotra cylvāka personeigi izdareituos izvielis – veseleigs voi naveseleigs dzeivisveids – uzturs, fiziskuos aktivitatis voi tūs naasameiba, veseleibai kaiteigu vīlu lītuošona voi izavaireišona nu tūs, riskants voi drūšs dzeivisveids, socialī faktori, izgleiteiba i cyti. Eipaši byutiskai tū ir apsazynuot jau jauneibā i sovu dzeivi baļsteit iz veseleibu pozitivi ītekmejūšom izvielem.

Print Friendly, PDF & Email