Itūgod rekonstruietajai Latgolys keramikys vacmeistara Andreja Paulāna darbneicai – ceplim, kas atsarūn Raiņa muzejā “Juosmuiža” (Preiļu nūvods, Aizkaļne) palīk 15 godu. 8. i 9. augustā nūtiks keramikys cepļa kūršonys i attaiseišonys pasuokums. Cepli kūrs TLMS “Rēzeknis apriņča pūdnīki”.

8. augustā keramiki ar sovim apdadzynuošonai sagataveitajim muola traukim pīpiļdeis cepli i ap pušdīņlaiku tū īkūrs. Cikom ceplis kurēsīs, vokora gaitā byus vareiba pasarunuot ar pūdnīkim, vērtīs cepļa kūršonuos procesu i ap pusnakti – lelū līsmi.

23.00 tiks demonstrieta videokina “A. Paulāna darbneicys – cepļa atkluošona 1999. goda 2. – 3. julī”.

Par keramiķu dorba rezultatu varēs puorsalīcynuot 9. augustā, kod 11.00 nūtiks vēļ korstūs, kruošni glazietūs trauku izjimšona. Byus vareiba dorbus ari īsaguoduot.

Pyrms cepļa atvieršonys nūtiks viktorina – vaicuojumi par muzeju, Latgolys keramiku, tuos tapšonys niansem, viesturi, formom, glazūrom. Par pareizim atsacejumim – bolvys. Viktorinu vadeis atraktivais pūdnīks Andris Ušpeļs. Muzicēs Aizkaļnis sīvīšu vokalais ansamblis.

Cepļa izjimšonys laikā byus vareiba degustēt maizi ar svaigi neitu svīkstu.

Īīšonys moksa cepļa atvieršonys pasuokumā – 1,42 EUR