“Cytaidi latviskais”. Vīna dīna ar prīsteri Aigaru Bernānu

“Cytaidi latviskais”. Vīna dīna ar prīsteri Aigaru Bernānu

Itymā “Cytaidi latviskais” stuostā īsavērsim vīnys  draudzis – Pīneņu Jezus Sirds Rūmys katuoļu draudzis prāvesta Aigara Bernāna kasdīnā. Raidejuma vadeituojs dzejnīks, katuoļs Valentins Lukaševičs sekuos leidza i reita dīvkolpuojumam Pīneņu bazneicā, i krystobom, īsvieteibom, i kūpā ar prīsteri pīsadaleis Latgolys ceļmolys krucifiksa īsvieteišonā, kur satiks dzejnīku Uldi Bērziņu i juo dāla saimi, kas palykuse pīdereiga Latgolai. Īsaklauseisim, kai prīsters viertej laiceigū i goreigū, kaidu redz Latgolu i cylvākus, kuri katuoliskajā Latgolā bīži ver bazneicys durovys.

Rībeņu pogosta Pīneņūs vacuo kūka bazneica calta 1806. godā, tei sasaglobuojuse leidz myusu dīnom, nu teik izmontuota kai nūlyktova. 1936. godā prāvestam J. Kiseļevskim kūreja lyka izceļt jaunu bazneicu azara krosta cytā vītā. Itei bazneica calta nu cementa ceglu, 1939. godā pabeigti golvonī byuvdorbi, tei īsvieteita i veļteita Jezus Sirds gūdam i sv. Annys aizbiļdneibai. Itūšaļt tamā kolpoj prīsters Aigars Bernāns.

Aigars Bernāns par prīsteri byut ir gribiejs vysod. Bierneibā kūpā ar babu regulari apmekliejs dzymtū Bieržgaļa bazneicu Aglyunys pusē i piec dīvkolpuojumu, kod babenis vaicuojušys: “Dieleņ, voi tu ari byusi prīsters, kod izaugsi lels?” Atbiļde bejuse puorlīcynūšs – „nu”.

cytaidi latviskais bernans

Print Friendly, PDF & Email

Nūtikšonu kalendars