23. i 24.augustā Bolvu muižā nūtiks 15. Kamermuzykys festivals, kas puļcēs izcilus muzykys instrumentu virtuozus, solistus i vokalū grupu.

Festivals palics par skaistu tradiceju i sovdabeigu Bolvu piļsātys vizitkarti. Tei ir breineiga vareiba baudeit izcilu muokslinīku snāgumu na tik Bolvu nūvoda dzeivuotuojim, nu ari kamermuzykys cīneituojim nu vysys Latvejis.

Īprīkšejūs godus festivalā gastejuši i izcili latvīšu muziki, i ari uorzemu gosti. Itūgod divejuos dīnuos byus pīduovuoti četri koncerti, kur kotrs klauseituojs varēs atrast muzykalū pīpiļdejumu sovai gaumei.

Itam festivalam eipašu nūskaņu dadūt i izsmolcynuotuo muzyka i talanteigī muziki, i skaistais i akustiskais koncertzals, nu kura lūgu pasaver skots iz Bolvu azaru.

15. Kamermuzykys festivals tiks atkluots 23. augustā 17.00 ar VIGILIA koncertu, kas prīcynuos ar gregoriskajim dzīduojumim i agrinū daudzbalseibu. Par tū pasaryupēs vokaluo grupa “SCHOLA CANTORUM RIGA”, muokslinīciskais vadeituojs Guntars Prānis.

20.00 koncerts “SKAISTA MŪZIKA TRIO” klavīru trio “OPERA”  izpiļdejumā. Svetlana Okuņa, vijūle, Inga Sunepa, čells Juris Žvikovs, klavīris, muzikologis Lienes Jakovļevys stuosti par muzyku.

Programā: Ludvigs van Bēthovens, Volfgangs Amadejs Mocarts, Roberts Šūmanis.

22.00 Muižys terasē klauseituojus prīcynuos “Račevskis/Ozoliņš/Sležis Trio” Oskars Račevskis – tausteņinstrumenti, Reinis Ozoliņš – bass, Kalvis Sležis – sytaminstrumenti.

24.augustā 16.00. Kamermuzykys festivala nūslāguma koncerts “MELNĀ STĀRĶA LIDOJUMS”. Pīsadola: “RĪGAS SAKSOFONU KVARTETS”: Ilze Lejiņa, soprana saksofons, Artis Sīmanis, alta saksofons, Ainars Šablovskis, tenora saksofons, Baiba Tilhena, baritona saksofons, Ieva Parša /mecosoprans/, Valdis Muktupāvels /bolss, kūkle, dūdys, birbīne/.