Gruomotu svātki Feimaņūs

Gruomotu svātki Feimaņūs

Pīktdiņ, 22. augustā, Rēzeknis nūvoda Feimaņūs nūtiks 13. Rēzeknis i Viļānu nūvodu Gruomotu svātki.

Apmaklātuoji iz pasuokumu aicynuoti jau nu 10.00, kod pogosta puorvaļdis zalā jau byus vareiba apsavērt Feimaņu katuoļu bazneicys viesturiskūs tekstileju izstuodi “Caur godsymtim”, nu 10.00 leidz 11.00 laukumā pi kulturys noma satikt “Kroma kolna bruolisti”, kas demonstrēs latgaļu 11.-12. gs. tārpus, rūtys i īrūčus, nūtiks ari saušona ar lūku, senejūs ceiņu paraugdemonstriešona i blīnu cepšona. Taipat ari, prūtams, vysys dīnys garumā Feimaņu pogosta kulturys nomā nūtiks gruomotu komercizstuode, kurā pīsadaleis vysaidys Latvejis izdevnīceibys, ari Latgolys Studentu centrs.

11.00 Feimaņu kulturys noma lelajā zalā nūtiks Gruomotu svātku atkluošona. Piečuok nūtikšonys byus i pīaugušajim, i bārnim i jaunīšim.

Pīaugušajim:

11.30 Kulturys noma lelajā zalā “Latvejis Avīzis” publiskuo diskuseja “Celi i dzeļžaceli – Latgolys nuokūtnis veiksmis stuosts”, kurā pīsadaleis 12. Saeimys vieleišonu deputatu kandidati.

13.30 Feimaņu pamatškolā pušdīnis “Feimaņu striebīņs”

14.00 Kulturys noma lelajā zalā saruna ar vidis žurnalisti i tematiskuos gazetys “Zali i veseleigi” autori Anitru Toomu.

14.00 Kulturys noma deju zalā sasatikšona ar skaneiguo radejis bolsa īpašnīku i rakstnīku Dzintaru Tilaku.

Bārnim i jaunīšim:

11.00 Jaunīšu centrā “Kastanis” vysom vacuma grupom rodūšuos darbneicys vadeis školuotuojis Ineta Upeniece i Inita Otikova.

11.00 Pi kulturys noma rodūšū darbneicu “Muola puorvierteibys” vadeis Vēsma Ušpele

12.00 Kulturys noma deju zalā nūtiks Muzykalais ceļuojums pa vysaidom pasauļa vaļstim kūpā ar Karlsonu

12.40 Kulturys noma deju zalā senlītu atpazeišonys nūdarbeibu vadeis KN vadeituoja Ingrīda Tjarve

13.30 Feimaņu pamatškolā pušdīnis “Feimaņu striebīņs”

14.00 Feimaņu pogosta bibliotekā pyrmsškolys i jaunuokuo školys vacuma bārnim saruna ar Vitu Štelmaheri i juos suneiti Rafi par tū, kai suņs topa par gruomotys varūni, nu pusaudžim tymā pošā laikā jaunīšu centrā “Kastanis” byus vareiba pīsadaleit Stila školys nūdarbeibuos, kurys vadeis Ineta Lesīte.

Pasuokuma nūbeigumā vysi teik aicynuoti iz kulturys noma lelū zalu, kur nūtiks tradicionaluo jaunuokūs gruomotu izlūze, kai ari Tihovsku saimis koncerts.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]